Grekët me “sytë nga qielli”! – Shpenzuan 36 miliardë euro për lojërat e fatit në vitin 2023

Qarkullimi total i sektorit të lojërave të fatit në Greqi shënoi një rekord të ri vitin e kaluar, duke u rritur me 23.2% krahasuar me vitin 2022. Sipas të dhënave të Komisionit të Mbikëqyrjes dhe Kontrollit të Lojërave, gjatë gjithë vitit të kaluar grekët kanë vënë baste për lojërat e fatit në internet, lojërat online, kazinotë tokësore, llotaritë dhe hipodrom 36 miliardë euro, nga 29.2 miliardë euro në 2022 – shin. Kjo shumë, e cila ka një efekt pozitiv në të ardhurat fiskale, vjen kryesisht nga rialokimi në lojërat e fatit nga paratë e fituara nga lojtarët.

Një pamje më përfaqësuese e ecurisë së tregut të lojërave të fatit, japin të ardhurat totale bruto të kompanive, të cilat përftohen duke zbritur nga shumat e basteve fitimet që u atribuohen lojtarëve me fat. Të ardhurat totale bruto të kompanive u rritën në vitin 2023, me bazë vjetore, me 11%, në rreth 2.6 miliardë euro.

Të ardhurat totale për kompanitë e basteve online u rritën me 27% nga viti në vit vitin e kaluar në 27 miliardë euro, duke shënuar një rritje të vazhdueshme vitet e fundit. Në mënyrë indikative, të ardhurat nga bastet online u caktuan në 17.5 miliardë euro në 2021-shin dhe u rritën në 21.3 miliardë euro në 2022-shin.

Në vitin 2023, të ardhurat totale të shtetit nga taksat dhe të drejtat e lojtarëve arritën në 893 milionë euro, krahasuar me 740 milionë euro në vitin 2022, duke u rritur me 21%. Komisioni i Mbikëqyrjes dhe Kontrollit të Lojërave ia atribuon këtë rritje një rritjeje prej 85 milionë eurosh në të ardhurat nga tatimi mbi fitimet e lojtarëve, e cila ishte 341 milionë euro në 2023 -shin.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.