Hungaria miraton kërkesën e Finlandës për anëtarësim në NATO!

Që një vend të bëhet anëtar i NATO-s nevojitet miratimi i 30 vendeve anëtare ndaj tani Turqia është i vetmi vend që nuk e ka ratifikuar kërkesën e Finlandës.

Deputetët hungarezë votuan pro pranimit të Finlandës në NATO. Pas disa muajsh zvarritjeje nga partia qeverisëse Fidesz e kryeministrit Viktor Orban, parlamenti i vendit ratifikoi kërkesën e Finlandës për t’u bashkuar me aleancën ushtarake, me 182 vota pro dhe vetëm gjashtë kundër, pa asnjë abstenim.

Në parlamentin hungarez në Budapest u debatua edhe për pranimin e Suedisë, por votimi për të ende nuk është futur në rendin e ditës.

Nga frika se mund të viheshin në shënjestër pas sulmit të Ukrainës nga Rusia vitin e kaluar, Finlanda dhe Suedisë braktisën pozicionin e tyre tradicional të mos angazhimit ushtarak dhe bënë  në maj 2022 kërkesë për anëtarësim në NATO.

Pranimi i një vendi të ri kërkon votat pro nga të gjitha vendet anëtare. Dhe tani Turqia ka mbetur e vetmja nga 30 anëtarët e NATO-s që nuk e ka ratifikuar pranimin e Finlandës në NATO.

Në fillim të këtij Presidenti Rexhep Tajip Erdogan tha se Turqia do të nisë procesin e ratifikimit të ofertës së anëtarësimit të Finlandës.

Edhe pse Orban është shprehur në favor të pranimit të të dyja vendeve nordike në NATO, ai duket se po koordinohet ngushtë me Erdogan. Erdogan tha se Turqia do të vazhdojë diskutimet me Suedinë për çështje që lidhen me sigurinë dhe se kërkesa e Suedisë për anëtarësim në NATO do të varet drejtpërdrejt nga masat e marra. DW

E . S / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.