Impiante të reja gazi për sigurinë energjetike – Strategjia e re e Britanisë, por mund të jetë e varur nga lëndët djegëse fosile

Britania synon të ndërtojë impiante të reja gazi për të përmirësuar sigurinë energjetike dhe rrezikun e përballjes me ndërprerjet, deklaroi qeveria. Si pjesë e përpjekjeve për të përmbushur objektivat klimatike dhe për të rritur sigurinë e energjisë, Britania po kërkon të rrisë kapacitetin e saj bërthamor dhe të energjisë së erës, por tha se impiante të reja gazi do të nevojiten gjithashtu për të siguruar mbështetje.

Departamenti për Sigurinë e Energjisë dhe Net Zero, tha se impiantet e reja të gazit do të nevojiten përtej vitit 2030, me ministren e energjisë Claire Coutinho që ka përcaktuar një strategji të re.

“Pa mbështetjen e gazit nga burimet e rinovueshme, ne përballemi me perspektivën e ndërprerjeve. Ne nuk do të lejojmë të jemi në atë pozicion. Dhe, ndërsa vazhdojmë të ecim drejt energjisë së pastër, duhet të jemi realistë”, tha ajo.

Kritikët kanë paralajmëruar se një shtytje për impiantet e reja të gazit mund të pengojë objektivin e vendit për të arritur emetimet neto zero deri në vitin 2050 dhe ta lërë atë më të varur nga lëndët djegëse fosile të shtrenjta.

Aktualisht rreth një e treta e energjisë elektrike të vendit vjen nga impiantet e gazit, një mbështetje që kontribuoi në rritjen e faturave kur çmimet e gazit arritën nivele rekord pas pushtimit rus të Ukrainës. Departamenti për Sigurinë e Energjisë tha gjithashtu se po propozon një metodë të bazuar në vendndodhje për të përcaktuar se sa duhet të tarifohen konsumatorët për energjinë elektrike që përdorin.

Aktualisht, çmimet me shumicë të energjisë përcaktohen në nivel kombëtar, por sipas propozimit të ri të tregut zonal, konsumatorët do të paguajnë tarifa të ndryshme në varësi të vendndodhjes së tyre, me ata që janë afër gjeneratorëve të energjisë që mund të paguajnë më pak. Çmimi zonal i energjisë elektrike përdoret tashmë në disa vende evropiane si Italia, Suedia dhe Norvegjia.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.