Importet e teknologjisë së gjelbër në BE dy herë më shumë se eksportet – Kina partneri më i madh për panelet diellore dhe turbinave me erë

Në vitin 2021, BE-ja shpenzoi 15.2 miliardë euro për produkte të energjisë së gjelbër, turbina me erë, panele diellore dhe biokarburantet e lëngshme nga vende të tjera. Ndërkohë, BE-ja eksportoi produkte të energjisë së gjelbër me vlerë më pak se gjysma e blerjeve nga jashtë, 6.5 miliardë euro, tha Eurostat.

BE importoi 11.2 miliardë euro panele diellore, 3.4 miliardë euro biokarburanteve të lëngëta dhe 0.6 miliardë euro turbina me erë.

Vlera e importit të paneleve diellore dhe biokarburanteve të lëngëta ishte shumë më e madhe se vlera korresponduese e eksporteve të BE-së të së njëjtës klasë të mallrave në vendet jashtë BE-së, eksportet arritën respektivisht në 2 miliardë dhe 1.3 miliardë euro.

Në të kundërt, vlera e eksporteve të turbinave me erë drejt vendeve jo anëtare të BE-së ishte shumë më e madhe se vlera e importeve, 0.6 miliardë euro kundrejt 3.3 miliardë eurove, tha Eurostat.

Importet e turbinave të erës, biokarburanteve të lëngëta dhe paneleve diellore në BE ishin më të larta në vitin 2021 sesa në 2012, duke treguar një rritje të përgjithshme në importet e produkteve të energjisë së gjelbër, përkatësisht 416%, 7% dhe 2% respektivisht.

Eksportet e të tre produkteve ishin gjithashtu më të larta se në vitin 2012 (përkatësisht 13%, 173% dhe 4%).

Importet vinin nga Kina, India, Argjentina

Kina dhe India, me një pjesë të kombinuar prej 99% (64% plus 35%), ishin burimi i pothuajse të gjitha importeve të turbinave me erë në vitin 2021. Destinacioni më i madh i BE-së për eksport për turbinat e erës ishte Mbretëria e Bashkuar (42%), ndjekur nga Shtetet e Bashkuara (15%) dhe Tajvani (11%).

Kina (89%) ishte deri tani partneri më i madh për importet e paneleve diellore në vitin 2021. BE eksportoi pjesën më të madhe të paneleve diellore në Shtetet e Bashkuara (23%), e ndjekur nga Singapori (19%), Mbretëria e Bashkuar dhe Zvicra (të dyja 9%).

Pak më shumë se dy të pestat e importeve të BE-së të biokarburanteve të lëngëta në vitin 2021 erdhën nga Argjentina (41%). Mbretëria e Bashkuar (14%), Kina dhe Malajzia (të dyja 13%) gjithashtu kishin pjesë dyshifrore në importe.

Mbretëria e Bashkuar (47%) dhe Shtetet e Bashkuara (30%) ishin destinacionet më të mëdha për eksportet e biokarburanteve të lëngshme, sipas Eurostat.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.