Investimi për rrjet gazi në Shqipëri – Presidenti i Azerbajxhanit: Studimi i fizibilitetit, gati në fund të vitit
Në fund të këtij viti parashikohet të përfundojë studimi i fiziblitetetit për projektin pilot të gazifikimit të vendit. Gjithçka u bë me dije nga presidenti i Azerbajxhanit, gjatë deklaratës për media pas vizitës shtetërore të Presidentin shqiptar, Bajram Begaj.
Pjesë e diskutimeve ishte edhe zgjerimi i infrastrukturës së gazit, nga vendi ynë drejt vendeve të rajonit.
Projekti pilot për gazifikimin e vendit u njoftua në nëntor të vitit të kaluar. Fillimisht, u bë me dije se qyteti i përzgjedhur ishte Korça, por më pas u njoftua se programi i gazifikimit me investim të Azerbajxhanit, do të nisë me një bashki që do të përcaktohet në një nga pikëkontaktet me TAP-in, duke lënë të kuptohet se qyteti nuk është vendosur ende.
Ola Mitre / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.