Ishuj artificialë për centralet e erës në det të hapur – Danimarka dhe Belgjika, me projekte të mëdha energjetike në Detin e Veriut

Ishujt artificialë në Detin e Veriut janë gati që vendet europiane si Danimarka dhe Belgjika të ndërtojnë centrale të mëdha me erë atje për të prodhuar energji të pastër. Kompania ‘Copenhagen Energy Islands’ me mbështetjen e grupit ‘Copenhagen Infrastructure Partners’ do të investojë 150 miliardë euro gjatë dekadave të ardhshme për të zhvilluar një sërë ishujsh të tillë, të cilët do të kenë turbina me erë shumë të mëdha të instaluara për energji elektrike, por gjithashtu do të kontribuojnë në prodhimi i hidrogjenit të gjelbër. Bashkimi Europian synon të ndërtojë objekte të tilla me një kapacitet prej të paktën 300 gigavat në vitet e ardhshme

Ishujt e Energjisë së Kopenhagës përfitojnë edhe më shumë fonde nga një sërë investitorësh nga Skandinavia, Europa por dhe Amerika e Veriut. Tashmë kompania ka plane për dhjetë projekte të tilla në Detin e Veriut dhe atë Baltik. Secili prej këtyre ishujve artificialë vlerësohet të kërkojë investime që kalojnë 1.5 miliardë euro dhe do të ketë një kapacitet prej 10 gigavat për një kapacitet total prej 100 gigavat.

Belgjika, nga ana e saj, planifikon të fillojë ndërtimin e një ishulli artificial, të quajtur ishulli i Princeshës Elizabeth, në Detin e Veriut. Ky, sipas qeverisë së vendit, do të jetë një projekt historik në infrastrukturën energjetike, pasi ambicia është që të jetë qendra në të cilën centeralet e erës në det të hapur do të ndërlidhen me rrjetin belg të transmetimit të energjisë.

Ideja prapa zhvillimit të teknologjisë tani është të rritet energjia e erës – ose çdo burim tjetër energjie të rinovueshme – për të fuqizuar sistemet e elektrolizës, duke i ofruar kështu ekonomisë globale një gaz të përdorur gjerësisht të prodhuar pa përdorimin e lëndëve djegëse fosile. Kjo do të përdoret si lëndë djegëse në sistemet e prodhimit të ushqimit, farmaceutikë, metalurgji, rafinim dhe procese të tjera industriale.

Me gjithë këtë lëvizshmëri, të ashtuquajturit ishuj energjetikë, ku do të prodhohen sasi të mëdha energjie elektrike, janë në radarin e investitorëve si hapi tjetër në shfrytëzimin e parqeve me erë në det të hapur.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.