“Italia, jo gati për reformën e shpëtimit të Eurozonës” – Kryeministrja Meloni: Duhet të reflektojmë pak më shumë!

Kryeministrja e Italisë Giorgia Meloni deklaroi se duhej “reflektim i mëtejshëm” përpara se qeveria e saj të ratifikojë një reformë të fondit të ndihmës prej 500 miliardë eurosh të eurozonës për vendet dhe bankat e shkëputura nga tregjet.

Meloni, e cila shpesh ka shprehur shqetësime në lidhje me Mekanizmin Europian të Stabilitetit – ESM, tha në parlamentin italian se qeveria e saj nuk do të hynte kurrë në objektiv duke shtuar se ekzekutivi duhej të shndërrohej në një mjet të politikës industriale.

Italia është i vetmi anëtar i Bashkimit Evropian që ende po zvarrit ratifikimin e kësaj  reforme. Një numër politikanësh italianë, përfshirë Melonin, e kanë sulmuar reformën në të kaluarën, duke thënë se ajo do të rriste rrezikun e një ristrukturimi të borxhit të madh kombëtar të Romës.

Meloni theksoi se nëse arrihet në përfundimin se rregullorja e re ESM nuk është në interesin kombëtar të vendit, duhet të jetë koha për të diskutuar përdorimin e saj si një instrument të politikës industriale europiane. Deklarata e saj rezulton në mbështetje të olotë të këndvështrimit të lobit vendas të industrisë, Confindustria.

Sipas reformës së rënë dakord në nivel të BE-së në vitin 2021, por ende e pa ratifikuar, ESM do të sigurojë një mbështetje për Fondin e Vetëm për Rezolucionin, i cili është përgjegjës për trajtimin e bankave në dështim në kontekstin e Bashkimit Bankar Europian.

Ajo do ta bënte gjithashtu më të thjeshtë ristrukturimin e borxheve kombëtare të vendeve në rast nevoje. ESM normalisht kërkon që vendet të miratojnë programe shtrënguese ose reforma financiare në këmbim të mbështetjes së saj.

Por sipas kryeministres italiane duhet ende të diskutohet në kuadrin e përgjithshëm të qeverisjes ekonomike europiane dhe mundësinë që burimet, të cilat sot po ndahen për ‘shpëtimin’, mund të jenë vërtet të dobishme për shtetet.

ESM u krijua në vitin 2012, duke zëvendësuar një fond të përkohshëm të krijuar në vitin 2010, në kulmin e krizës së borxhit sovran të eurozonës. Deri më sot, pesë vende i janë drejtuar për mbështetje: Greqia, Irlanda, Portugalia, Spanja dhe Qiproja.

Por Meloni bëri të qartë se për sa kohë të jetë ajo në krye të qeverisë, Italia nuk do të përdorë kurrë ESM. Ajo shprehu bindjen se askush tjetër nuk do të jetë në gjendje ta përdorë atë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.