Kartëmonedha 10 mijë lekë, mjet thesarizimi apo këmbimi? – BSH: Janë hedhur në qarkullim 4 milionë të tilla

Në qershorin e vitit 2021 Banka e Shqipërisë emetoi kartëmonedhën me prerjen më të madhe, ajo 10 mijë lekë. Në emisionin “Ekonomia 3D”, u analizua fakti se pse ka një zbehje të saj në tregun shqiptar.

Përfaqësues i Bankës së Shqipërisë thekson se kjo kartëmonedhe po shërben si mjet thesarizimi. Por sa kartëmonedha me prerje 10 mijë lekë janë hedhur në qarkullim deri më tani?

Julind Gjipali Përgjegjës i Sektorit në Departamentin e Emisionit, BSH: “Kjo është diçka e parashikueshme, sepse çdo kartëmonedhë e prerjes më të lartë në çdo vend të botës, përdoret dhe për qëllime thesarizimi. Që nga momenti I parë I hedhjes në qarkullim, aktualisht janë hedhur në qarkullim rreth 4 milionë copë kartëmonedha, çka përbëjnë rreth 2.5% në sasi të kartëmonedhave në qarkullim dhe 10% të vlerës së kartëmonedhave në qarkullim. HEdhja në qarkullim ka qenë pak a shumë konstante.”

Ndërkaq eksperti i ekonomisë Elvin Meka liston arsyet e fshehes së kësaj kartëmonedhe nga qarkullimi. “Sigurisht që ka më shumë se një arsye se pse ndodh një fakt i tillë. Është e qartë se sa më e madhe të jetë prerja, e kartëmonedhës, aq më pak konsumatorë do të mund ta përdorin atë”.

Sipas Mekës në tregun shqiptar nuk ka hapësirë për prerje të mëdha, siç mund të jetë ajo 20 mijë lekë apo më lartë.

Diamila Leka / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.