Kur do të udhëtojmë me trena elektrikë? – Preçi: Duhen 3-5 vjet për të patur një rrjet funksional hekurudhor

Perspektivat për transportin hekurudhor kanë imponuar investime të mëdha serioze në Europë e më gjerë. Por novacionet teknologjikë arritën të realizonin trenë me ekonomik për të pasur një mbarëvajtje sa më efiçente.

Në Shqipëri infrastruktura hekurudhore për vite me radhë pësoi një stopim, duke nxjerrë jashtë funksionit e disa nga ato pak linja hekurudhore ndërqytetase. Në emisionin Ekonomia 3D u trajtua se kur do të ketë trena elektrikë dhe se kur do të mund të jetë gati infrastruktura hekurudhore për t’i implementuar ata.

Zef Preçi Ekspert Ekonomie: “Qoftë infrastruktura e butë, kuadri ligjor, qoftë infrastruktura e fortë, pajisjet përkatëse, shtrirja e rrjetit, rregullat e qarkullimit etj, janë çështje të vullnetit politik më shumë sesa të potencialeve financiare.

Ekonomia Shqiptare i ka potencialet dhe kjo që ndodh nuk është diçka që ndodh brenda natës dhe duhen 3-5 vjet për të pasur një rrjet funksional të paktën në Shqipërinë Qëndrore për të ulur ngarkesën në rrugën Tiranë-Durrës.”

Por si do të ndikojnë infrastrukturë elektrike në linjat hekurudhore në mbarëvajtjen e ekonomisë shqiptare?

“Kur flasim për trena elektrike duhet të kemi parasysh kosto më të lartë sesa trenat e zakonshëm. Infrastrukturë më të sofistikuar sa i takon përdorimit përfshirë dhe kapacitetet njerëzore të nevojshme për menaxhimin etj. Kulturimi i bizneseve. Në gjykimin tim do të jetë më e kushtueshme se sa hekurudha e zakonshme”, thotë ai.

Nga ana tjetër, qytetarët kryesisht e konsiderojnë si të nevojshëm transportin përmes trenave. “Unë jam nga Durrësi, vij te djali në Tiranë nuk kam pse vij me autobus, djali e ka shtëpinë te Stacioni i Trenit dhe mund të vij me tren.”

Diamila Leka/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.