Ky vit, më i ngrohti në 125 mijë vjet! – Shkencëtarët europianë: Muaji tetor, më i nxehti

Ky vit është “praktikisht i sigurt” se do të jetë më i ngrohti në 125 mijë vjet, sipas shkencëtarëve të Bashkimit Europian, pasi të dhënat treguan se muaji i kaluar ishte tetori më i nxehtë në botë. Muaji i kaluar ka thyer rekordin e temperaturës së mëparshme të tetorit nga viti 2019 me një diferencë shumë të madhe, sipas të dhënaveë të Shërbimit të Ndryshimeve Klimatike të BE-së Copernicus. Rekordi u thye me 0.4 gradë Celsius, që përbën një diferencë e madhe.

Në nivel global, temperatura mesatare e ajrit në sipërfaqe në tetor ishte 1.7 gradë Celsius më e ngrohtë se i njëjti muaj në 1850 – 1900, të cilën Koperniku e përcakton si periudhën para-industriale. Tetori që thyen rekordin do të thotë se viti 2023 tani është ‘praktikisht i sigurt’ se do të jetë viti më i ngrohtë i regjistruar. Rekordi i mëparshëm ishte në vitin 2016.

Të dhënat afatgjata nga paneli i shkencës klimatike i OKB-së IPCC përfshijnë lexime nga burime të tilla si bërthamat e akullit, unazat e pemëve dhe depozitat e koraleve. E vetmja herë tjetër para tetorit që një muaj ka thyer rekordin e temperaturës me një diferencë kaq të madhe ishte në shtator 2023.

Ndryshimet klimatike po nxisin fenomene atmosferike ekstreme gjithnjë e më shkatërruese. Këtë vit, janë regjistruar përmbytje, valë të forta të nxehtit në Amerikën e Jugut dhe sezoni më i keq i zjarreve në Kanada.

Sipas shkencëtarëve nuk duhet lejuar që përmbytjet shkatërruese, zjarret, stuhitë dhe valët e të nxehtit që shihen këtë vit të bëhen normalja e re. Po rnga ana tjetër Kina Verilindore u godit nga temperatura jashtëzakonisht të ftohta dhe stuhi, të cilat shkaktuan riprogramimin e qindra fluturimeve, mbylljen e shkollave dhe shpallljen e gjendjes së jashtëzakonshme në disa qytete ku banorëve iu është kërkuar të qëndrojnë brenda shtëpive.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.