Lamtumirë të nxehtit përvëlues! – Nga e mërkura temperaturat rikthehen në mesataren sezonale

E mërkura do të regjistrojë uljen e shumëpritur të temperaturave në vendin tonë me rreth 4-5 gradë Celsius. Sipas Shërbimit Meteorologjik Ushtarak, dita e Hënë dhe e Martë moti parashikohet me diell në të gjithë territorin si dhe temperatura tepër të larta kryesisht përgjatë ultësirës perëndimore. Këto dy ditë pritet të jenë të fundit për valën e të nxehtit që ka mbërthyer vendin tonë prej rreth 3 javësh.

Të martën, Fieri, Elbasani dhe Berati parashikohet të jenë qytetet me temperaturat më të larta deri në 43 gradë Celsius.

Më pas për ditën e Mërkurë dhe atë të Enjte mbi territorin e vendit tonë pritet depërtimi i një qëndre të presionit të ulët me origjinë veriore. Në këtë mënyrë moti në pjesën më të madhe të këtyre dy ditëve parashikohet me diell, por edhe alternime vranësirash kalimtare. Vranësirat në orët e vona të mbrëmjes të ditës së Mërkurë dhe orët e para të mëngjesit të ditës së Enjte do të shoqërohen me reshje shiu të herëpashershme dhe intenistet të ulët. Për shkak të masave ajrore të ftohta me origjinë veriore pritet rënie e ndjeshme e temperaturave kryesisht në vlerat minimale por edhe ato të mesditës.

Sipas Shërbimit Meteorologjik Ushtarak, duke nisur nga fundi I javës do të nisë depërtimi i Anticiklonit të Azoreve dhe hera-herës edhe ai Afrikan. Moti parashikohet i kthjellët në të gjithë territorin si dhe temperatura mjaftë t freskëta në vlerat minimale dhe normale në ato të mesditës.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.