SHBA, në rrezik recesioni – Situata do të zgjasë deri në vitin 2024       

Një indeks i krijuar për të gjurmuar ndryshimet në ciklet e biznesit në Shtetet e Bashkuara të Amerikës shënoi rënie për të 15-in muaj radhazi në qershor, duke shënuar brezin më të gjatë negativ që nga kriza ekonomike globale 2007-2009 dhe recesioni.

Studimi i Bordit të Konferencës tha se indeksi i tij kryesor ekonomik, një masë që parashikon aktivitetin e ardhshëm ekonomik, ra 0.7 % në qershor në 106.1 pas një rënie të rishikuar prej 0.6 % në maj. Rënia ishte pak më e madhe se pritshmëria mesatare midis ekonomistëve në një sondazh të Reuters.

Ekspertët shprehen se të marra së bashku, të dhënat e qershorit sugjerojnë se aktiviteti ekonomik do të vazhdojë të ngadalësohet në muajt e ardhshëm. Ata theksojnë se rritja e çmimeve, politika monetare më e shtrënguar, kreditë që janë më të vështira për t’u marrë dhe ulja e shpenzimeve qeveritare do të mbysin më tej rritjen ekonomike.

Shtëpia analitike përsëriti parashikimin e saj se ekonomia amerikane ka të ngjarë të jetë në recesion nga tremujori i tretë aktual i këtij viti deri në tremujorin e parë të 2024.

Bordi i konferencës tha se rënia e indeksit po përshpejtohet, me 4.2%  në gjashtë muajt e fundit krahasuar me 3.8 % midis qershorit dhe dhjetorit 2022.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.