Lulëzon industria e armëve në Europën Lindore – Lufta në Ukrainë nxit vendet të prodhojnë më shumë
Industria e armëve në Europën lindore po prodhon predha artilerie dhe furnizime të tjera ushtarake me një ritëm që nuk është parë që nga Lufta e Ftohtë. Kjo në një kohë që qeveritë në rajon vazhdojnë përpjekjet për të ndihmuar Ukrainën më luftën e saj kundër Rusisë.
Aleatët e kanë furnizuar Kievin me armë dhe pajisje ushtarake që kur Rusia pushtoi fqinjin e saj më 24 shkurt duke reduktuar rezervat e tyre. Shtetet e Bashkuara të Amerikës dhe Britania e Madhe dhanë ndihmën më të drejtpërdrejtë ushtarake për Ukrainën deri në 3 tetor, ndërsa Polonia renditet në vendin e tretë dhe Republika Çeke në vendin e nëntë.
Duke treguar ende kujdes ndaj Rusisë, disa vende të ish Traktatit të Varshavës e shohin ndihmën ndaj Ukrainës si një çështje të sigurisë rajonale. Dhjetëra zyrtarë dhe analistë të qeverive dhe kompanive që folën për agjencinë e lajmeve Reuters u shprehën se konflikti krijonte gjithashtu mundësi të reja për industrinë e armëve në rajon.
Sipas tyre, duke pasur parasysh realitetin e luftës së vazhdueshme në Ukrainë dhe qëndrimin e dukshëm të shumë vendeve të cilat synojnë të rrisin shpenzimet në fushën e mbrojtjes, ekziston një mundësi reale për të hyrë në tregje të reja dhe për të rritur të ardhurat nga eksporti në vitet e ardhshme.
Polonia aktualisht planifikon të investojë deri në 1.8 miliardë dollarë, gjatë dekadës së ardhshme, më shumë se dyfishi i objektivit të saj të paraluftës, në fushën e mbrojtjes.
Grupi për Armatimin Polak – PGZ – në pronësi të shtetit kontrollon më shumë se 50 kompani që prodhojnë armë dhe municione – nga transportuesit e blinduar te sistemet ajrore pa pilot – dhe ka aksione në dhjetëra të tjera.
PGZ do të prodhojë 1000 sisteme portative të mbrojtjes ajrore Piorun në vitin 2023 – jo të gjitha për Ukrainën – krahasuar me 600 në 2022-shin dhe 300 deri në 350 në vitet e mëparshme.
Kompania, e cila ka dorëzuar sisteme artilerie dhe mortajash, obus, jelek antiplumb, armë të vogla dhe municione në Ukrainë, ka të ngjarë të tejkalojë një objektiv të të ardhurave të paraluftës 2022 prej 1.49 miliardë dollarësh.
Në komunizëm, fabrikat e mëdha në Çekosllovaki, prodhuesi i dytë më i madh i armëve të Traktatit të Varshavës, Polonia dhe punësoi njerëz, për prodhimin e armëve për konfliktet e Luftës së Ftohtë që Moska nxiti në mbarë botën.
Ukraina ka marrë gati 2.1 miliardë dollarë armë dhe pajisje nga kompanitë çeke, rreth 95% e të cilave ishin dërgesa komerciale. Eksportet çeke të armëve këtë vit do të jenë më të lartat që nga viti 1989, me shumë kompani në sektor që poshtojnë vende pune dhe kapacitete.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.