Makina fluturuese merr licencën ajrore – Mjeti do të testohet në kërkim të miratimit të qeverisë amerikane

Administrata amerikane Federale e Aviacionit ka certifikuar për testimin e një automjeti që një startup në Kaliforni e përshkruan si një makinë fluturuese – automjetin e parë plotësisht elektrik që mund të fluturojë dhe të udhëtojë në rrugë për të marrë miratimin e qeverisë amerikane.

Alef Automotive tha se automjeti/avion i saj, i quajtur “Model A”, është mjeti i parë fluturues që mund të lëvizet në rrugë publike dhe në gjendje të parkojë si një makinë normale. Ai gjithashtu ka aftësi vertikale për ngritje dhe ulje. Me sa duket do të jetë në gjendje të mbajë një ose dy pasagjerë dhe do të ketë një distancë në rrugë prej 200 miljesh dhe një distancë fluturimi prej 110 miljesh.

Kompania pret të shesë automjetin për 300 mijë dollarë, me dorëzimin e parë të parashikuar në fund të vitit 2025.

Administrata amerikane e aviacionit konfirmoi se i ka lëshuar kompanisë një certifikatë speciale të vlefshmërisë ajrore, duke lejuar qëllime të kufizuara që përfshijnë ekspozimin, kërkimin dhe zhvillimin.

Kompani të shumta janë duke punuar në modele tërësisht elektrike, që do të thotë avionë për ngritjen dhe uljen e automjeteve. Autoritetet amerikane shtuan se Alef “nuk është avioni i parë i këtij lloji” që merr një certifikatë speciale të vlefshmërisë ajrore. Megjithatë, Alef vuri në dukje se automjeti i tij është i ndryshëm për shkak të aftësisë së tij për të funksionuar si në rrugë ashtu edhe në ajër, për t’u dukur si një makinë normale dhe për të parkuar në një vend parkimi normal.

Faqja e internetit e kompanisë tha se makina fluturuese do të certifikohet si një “mjet me shpejtësi të ulët”, që do të thotë se nuk do të jetë në gjendje të ecë më shpejt se rreth 25 milje në orë në një rrugë të asfaltuar. Ideja është që nëse një shofer ka nevojë për një rrugë më të shpejtë, do të përdorë aftësitë e fluturimit të Alef. Pavarësisht kësaj, ajo gjithashtu ka nevojë për miratim nga Administrata Kombëtare e Sigurisë së Trafikut në Autostrada për të lëvizur në rrugë.

Kompania tha gjithashtu se në fillim të këtij viti se kishte marrë porosi të rimbursueshme për më shumë se 400 automjete.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.