Manipulimi i kilometrave dhe mungesa e dokumentacionit – Grekët nuk mund të blejnë automjete të përdorura nga Gjermania

Tregtarët grekë të automjeteve të përdorura në Gjermani kanë hyrë në “listën e zezë” për shkak të kontrolleve që autoritetet po kryejnë vazhdimisht dhe kanë të bëjnë me automjetet e përdorura që u kanë shitur tregtarëve grekë dhe në shumë prej tyre janë konstatuar paligjshmëri në lidhje me TVSH-në dhe manipulimet e kilometrazheve.

Sipas informacioneve të publikuara nga mediat greke, situata ka dalë jashtë kontrollit dhe tashmë njësitë e autorizuara kanë ndërprerë të gjitha shitjet tek tregtarët grekë të automjeteve të përdorura, ndërsa të njëjtën linjë ndjekin edhe shitësit e mëdhenj të pavarur të automjeteve të përdorura në Gjermani.

Arsyeja është fokusuar në faktin se organet tatimore dhe doganore të Gjermanisë i thërrasin vazhdimisht për kontroll për automjetet e përdorura që janë eksportuar në Greqi por siç është konstatuar në shumë raste ose TVSH-ja ka “humbur”, kilometrat jane manipuluar, ose dokumentacionet kanë probleme!

Shkurtimisht, disa tregtarë grekë të makinave të përdorura kanë arritur të fusin në listën e zezë të gjithë sipërmarrësit dhe i vetmi burim i blerjes së automjeteve të përdorura për grekët mbeteb shitësit e vegjël të pavarur me automjete me cilësi të dyshimtë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.