Në Francë shitet më pak verë e kuqe – Vera rosé vazhdon të fitojë më shumë popullaritet

Shitjet e verës së kuqe brenda Francës janë përgjysmuar që nga vitet 1990, sipas Shoqatës Amerikane të Ekonomistëve të Verës. Ndërsa 30 vitet e fundit kanë parë një rënie të vazhdueshme të verës së kuqe, rosé është rritur në mënyrë të vazhdueshme në shitje në Francë.

Shitjet vendase të verës së kuqe ranë nga rreth 8 milionë hektolitra të prodhuar në 1995 – ën në rreth 4 milionë hektolitra në vitin 2020. Vera rosé ka parë një rritje prej 93% në shitje për të njëjtën periudhë kohore, nga rreth 1.5 milionë hektolitra në pak më pak se 3 milionë hektolitra.

Rënia e shitjes së verës së kuqe mund t’i atribuohet mbiprodhimit dhe ndryshimit të zakoneve të pijes, sipas pronarëve të vreshtave në rajonin Bordo’. Vendi është një nga tregjet me rritje më të shpejtë për pijet pa alkool, të cilat po fitojnë popullaritet në mesin e një demografie më të re dhe më të ndërgjegjshme për shëndetin. Numri i  francezëve të moshës 18 deri në 35 vjeç që pinë verë, ra me 7% midis viteve 2011 dhe 2021. Dhe verërat e kuqe priren të kenë përmbajtje më të lartë alkooli sesa verërat rosé dhe të bardha: vera e kuqe ka mesatarisht 13.5% alkool në vëllim, ndërsa rosé mesatarisht 12% dhe vera e bardhë mesatarisht 10%.

Përmbajtja e alkoolit lidhet me procesin e fermentimit dhe me periudhën e vitit kur është vjelur rrushi. Verërat e kuqe përdorin rrush të vjelë më vonë, midis gushtit dhe tetorit në Francë. Rrushi më i pjekur ka më shumë përmbajtje sheqeri, gjë që çon në përqendrim më të lartë të alkoolit gjatë fermentimit.

Rosé konsiderohet si shija e verës në Francë, veçanërisht në Provence, ku 88% e prodhimit të verës i dedikohet rozes. Rreth 23.6 milionë hektolitra rosé konsumohen në vit në Francë. Sipas një raporti, kjo arrin në rreth 20 shishe rosé për çdo të rritur francez në vend. Franca përbën 29% të konsumit global të rosé dhe ndiqet nga Shtetet e Bashkuara të Amerikës me 14%.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.