Në Google punohet më shumë se 8 orë në ditë – Por, punonjësit mund të kërkojnë orare më fleksibël në varësi të rolit që kanë

Kur një punonjës i Google pyeti kompaninë nëse mund të punonte më pak orë në ditë, një përfaqësues i burimeve njerëzore u përgjigj duke thënë se punonjësi mesatar i Google punon më shumë se një ditë normale pune. Kjo hedh poshtë raportimet e mëparshme që punonjësit e Google kanë ngarkesa të lehta pune.

Në një memo të brendshme, detajet e të cilave janë publikuar në rrjete të ndryshme sociale, shumica e punonjësve të Google me pagë, tashmë punojnë më shumë se 8 orë në ditë

Në memo thuhej gjithashtu se kompania lejon punonjësit të aplikojnë për oraret që janë 60%, ose 80% e orarit të plotë. Konfirmimi i përfaqësuesit të burimeve njerëzore se punonjësit zakonisht punojnë me orë të gjata i detyroi disa punonjës për ta ndarë atë informacion me miqtë dhe të afërmit e tyre.

Gjatë verës, në publikime të shumta u tha se një inxhinier softuerësh të Google me pagë gjashtëshifrrore, punonte një orë në ditë duke koduar në mëngjes dhe pjesën tjetër të turneve e kalon duke punuar në startup-in e tij. Raportimet të ditës së punës një orëshe u bënë virale.

Zëdhënësja e Google, tha se punonjësit e kompanisë janë në gjendje të kërkojnë orare më fleksibël dhe se kërkesat shqyrtohen në bazë të roleve dhe ekipeve të tyre. Ajo shtoi se njësoj si në çdo kompani, ka raste kur punonjësit e Google punojnë më shumë se 40 orë në javë për të përmbushur afatet, për të mbuluar kolegët, ose për të ofruar produkte dhe shërbime për përdoruesit e kompanisë.

Kjo e fundit përsëriti se po merr në konsideratë miratimin e 60% dhe 80% të orareve me kohë të plotë, si dhe variante të tjera të punës me kohë të pjesshme, bazuar në rrethanat e punonjësve dhe miratimin e menaxherit. Megjithatë, javët e kompresuara të punës nuk janë aq fleksibël, ose të pajtueshme me oraret e përgjithshme të ekipit sa opsionet e tjera që ofron kompania.

Punonjësit e Google kanë marrë reagime publike për shkak të taktikave të rekrutimit të tilla si përfitimet e korporatave të mëdha, të cilat janë përdorur kryesisht nga kompanitë e teknologjisë për të joshur talente gjatë dy dekadave të fundit.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.