Në Greqi fitojnë konservatorët e Mitsotakis – Por vendi shkon sërish në zgjedhje në 25 qershor

Grekët rikonfirmuan besimin e tyre tek kryeministri aktual Kyriakos Mitsotakis, në krye të partisë konservatore  të Demokracisë së re, e cila ka lënë shumë prapa opozitën, duke filluar nga Syriza. Një rezultat i qartë, dhe më i lartë në krahasim me protshmëritë e sondazheve, por që nuk arriti të krijojë një qeveri një partiake duke bërë të domsodoshëm një koalicion në këtë mënyrë.

Por burime të partisë bënë menjëherë të qartë se Mitsotakis do të heqë dorë nga një mandat eksplorues për të provuar sërish veten në 25 qershor me një sistem elektoral që do të mund t’i garantojë një mazhorancë më të sigurtë. Kreu i ekzekutivit grek deklaroi se rezultatet e votimeve ishin të qarta: mesazhi ishte që Demokracia e Re është e pavarur. Ai këmbënguli se në zgjedhjet në fund të qershorit dëshira e qytetarëve për një pavarësi të partisë së tij do të konfirmohet dhe nga ana matematikore

Sipas të dhënave zyrtare partia e Mitsotakis ka marrë 41% të votave, ndërsa rivali kryesor Syriza e ish kryeministrit Alexis Tsipras ndaloi në 20%. Pas tyre partia socialiste e Pasok me 11% të votave, ndërsa grupimi i ish ministrit të financave Janis Varufakis, me 2.4% rrezikon që të mos hyjë në parlament.

Mitsotakis i cili ka marrë menjëherë përgëzimet e Tsipras për fitoren, nuk ka arritur mazgorancën absolute në parlament, pra 300 deputetë. Dhe nëse në këtë pikë sipas kushtetutës greke duhet të fillojnë negociatat për krijimin e një koalicioni qeverisës, kreu i konservatorëve bëri të qartë se nik e do një gjë të tillë, për të shmangur presionet nga partitë e tjera. Zgjedhjet e reja do të mbahen me një sistem të ndryshëm elektoral, të miratuar pikërisht gjatë qeverisë së Demokracisë së Re, që i jep një bonus deputetësh, deri në 50 maksimumi, partisë fituese.

Mitsotakis, i zgjedhur për herë të parë në 2019 – ën, gjatë katër viteve të qeverisjes së tij ka arritur të ruajë nivelin e popullaritetit, dhe pas skandalit të përgjimeve të politikanëve dhe gazetarëve që shpërtheu verën e kaluar, dhe tragjedisë hekurudhore të shkurtit ku mbetën të vrarë 57 persona.

I diplomuar në Harvard, me një të kaluar si analist ekonomik në “Chase Bank” të Londrës, Mitsotakis, 55 vjec, i përket një dinastie jetëgjatë të politikës greke: babai i tij ka qenë kryeministër, ndërsa nipi i tij është kryebashkiaku aktual i Athinës. Gjatë fushatës elektorale, Mitsotakis u prezantua si figura e sigurtë që shoqëroi vendin jashtë krizës së dhimbshme të borxhit: vitin e kaluar Greqia doli nga programi i monitorimit ekonomik të Bashkimit Europian dhe regjistroi një rritje ekonomike prek 5.9%. Motoja elektorale e Demokracisë së Re, “Do të kthehemi prapa, apo do të vazhdojmë përpara?”, që i referohej qeverisë së Tsipras i zgjedhur në kulmin e krizës së borxhit në 2015-ën, la shenjë tek votuesit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.