Norma bazë e BQE, mbi 4%? – Bankat globale rrisin parashikimet për të ardhmen

Bankat e mëdha globale të investimeve e ngritën parashikimin e tyre të normës së terminalit për Bankën Qendrore Europiane në 4% në shtator, pasi BQE rriti kostot e huamarrjes dhe tregoi rritje të mëtejshme.

J.P.Morgan, Goldman Sachs, BNP Paribas, Unicredit dhe RBC Capital Markets kishin pritur më parë që norma terminale e BQE-së të arrinte kulmin në 3.75%, pas një rritjeje prej 25 pikë bazë në korrik.

BQE rriti kostot e huamarrjes në eurozonë në nivelin më të lartë në 22 vjet të enjten dhe tha se inflacioni vazhdon të qëndrojë i lartë, por garantoi një lëvizje tjetër muajin e ardhshëm dhe me gjasë edhe përtej kësaj.

Kjo është rritja e tetë radhazi e BQE-së që kur vlerësoi gabimisht qëndrueshmërinë e rritjes së çmimeve në fillim të vitit të kaluar dhe e çoi normën e saj të politikës në 3.5%, një nivel i paparë që nga viti 2001.

BQE gjithashtu ngriti projeksionet e saj për 2023 dhe 2024 për inflacionin bazë, përjashtuar energjinë dhe ushqimin e paqëndrueshëm, duke habitur analistët, me RBC që e quajti rishikimin e inflacionit bazë të vitit 2024 si “veçanërisht të habitshëm”.

Goldman Sachs dhe Unicredit thanë se nuk presin ndonjë ulje të normës deri në fund të vitit të ardhshëm. Sipas tyre një normë më e lartë terminale është gjithashtu në përputhje me atë që është mësuar nga vendet e tjera, shumë prej të cilave janë përpara në ciklin e inflacionit dhe shtrëngimit, ku presionet bazë të inflacionit kanë rezultuar të jenë më të qëndrueshme se sa pritej.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.