Nxehtësia do të ulë PBB-në e vendeve europiane me 1 pikë!

Kompania e sigurimit të kredive parashikoi në një studim të botuar këtë javë se Produkti i Brendshëm Bruto (PBB) i Spanjës mund të ulet me një pikë, ai i Greqisë me 0.9 pikë, ai i Italisë me 0.5 pikë dhe ai i Francës me 0.1 pikë.

“Një ditë e nxehtësisë ekstreme, mbi 32 gradë (Celsius), është e barabartë me gjysmë dite grevë,” tha Allianz Trade.

Siguruesi i kredive, i cili kombinoi të dhënat dhe studimet e disponueshme për të arritur vlerësimet e tij, pret që ngjarjet e nxehtësisë këtë vit “mund të kenë kushtuar 0.6 pikë të PBB-së” globalisht, duke shtuar se kjo “është domethënëse dhe thekson peshën e rreziqeve klimatike”.

“Në muajt e fundit, Shtetet e Bashkuara, Europa, Kina dhe vende të tjera në Azi kanë përjetuar rritje rekord të temperaturës […] Ndryshimet klimatike do të rrisin frekuencën dhe intensitetin e ngjarjeve ekstreme të nxehtësisë, duke krijuar një ‘normale të re’ të nxehtësisë, thatësirat dhe zjarret. Ngjarje të tilla kanë ndikim jo vetëm te njerëzit dhe kafshët e egra, por edhe te ekonomitë”, shkruan Allianz Trade në studimin e saj.

Ai tha gjithashtu se “punonjësit e prekur nga nxehtësia ulin orarin e tyre të punës, ngadalësojnë detyrat e tyre dhe bëjnë gabime. Reduktimi i produktivitetit në punë si rezultat i temperaturave ekstreme është një fenomen i njohur”.

PBB-ja e Kinës mund të ndikohet negativisht deri në 1.3 pikë ndërsa ekonomia e SHBA-së mund të imputohet me 0.3 pikë.

Shërbimi Europian i Copernicus konfirmoi të martën se korriku 2023 ishte muaji më i nxehtë i vërejtur ndonjëherë në Tokë që nga fillimi i regjistrimeve.

Korriku i kaluar ishte 0,33°C më i ngrohtë se korriku 2019, i cili kishte mbajtur rekordin deri më tani me një temperaturë mesatare prej 16,63°C.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.