“Pagesa cash dhe “fshehje” lojtarësh në bastet online” – Shyti: Nëse doni ligjshmëri, mos penalizoni kompanitë që ishin

Kompanitë që më parë kanë qenë pjesë e tregut të basteve sportive kanë rezerva mbi projektligjin e hartuar nga qeveria për formalizimin e kësaj industrie.

Gjatë dëgjesës në Komisionin e Ekonomisë,  Ish-kreu i Shoqatës së Basteve, Artan Shyti thekson se fakti që nuk do të lejohen pagesat cash dhe është i detyrueshëm identifikimi i lojtarëve, vendos kufizime. Nga ana tjetër ai kërkon që të mos përjashtohen kompanitë që kanë ushtuar aktivitet deri në 2018, pasi ky proces mund të dështojnë në kthimin në ligjshmëri.

Por deputeti socialist Erion Braçe e ka konsideruar këtë deklaratë si shantazh, duke akuzuar se kjo industri ka qenë në dorë të krimit.

Ndërsa kreu i Komisionit të Ekonomisë, Eduard Shalsi ka theksuar se disa nga propozimet e bëra mund të lënë shteg për abuzime.

Në komision është diskutuar gjithashtu mundësia për të vendosur limit në shumat e luajtura për lojtar në mënyrë që të jenë të mbrojtur personat që kanë varësi.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.