Prodhuesit e automjeteve i kërkojnë ndihmë BE – Regjistrimet e tyre duhet të rriten me 5% në vitin 2023

Industria europiane e automjeteve u bëri thirrje lidërve të BE-së të zbatojnë një politikë industriale ambicioze dhe të strukturuar për të konkuruar me atë të rajoneve të tjera të botës.

Sipas Shoqatës Europiane të Prodhuesve të Automjeteve, qasja e Europës ka të bëjë me rregullimin e industrisë për të eliminuar emetimet e gazit që ndryshojnë klimën, ndërsa Shtetet e Bashkuara të Amerikës dhe Kina po stimulojnë ekonomikisht industrinë e tyre në tranzicionin ekologjik.

Shoqata përsëriti domosdoshmërinë për një kuadër rregullator që garanton një pozicion konkurrues global, pasi kjo është shumë e rëndësishme. Sipas saj kjo është një industri globale, pasi nuk prodhohen produkte për tregun vendas sepse europa është pika fillestare e një ekosistemi global. Për këtë arsye lind nevoja për autoritete politike mbështetëse për të krijuar një strategji, një avantazh konkurrues për europianët. Sugjerimet e ACEA-s vijnë në prag të propozimeve të para të komisionit europian për të mbështetur investimet në industrinë e pastër.

Për më tepër, industria e automjeteve është e shqetësuar se automjetet elektrike do të mbeten të papërballueshme për shumë klientë, për shkak të lëndëve të para të shtrenjta të përdorura në bateri të cilat rrisin kostot e prodhimit. Kohët e fundit aksesi i lëvizshmërisë po bëhet me të vërtetë një temë debati për politikëbërësit. Marrëveshja e Gjelbër përmban një sasi të madhe ambicieje, e përkthyer në rregullore për europën dhe industritë e saj: është një gjë e mirë, por tani këto rregulla duhet të zbatohen dhe të përshtaten”.

Pavarësisht problemeve të së tashmes dhe pasigurive të së ardhmes, shitjet e automjeteve të reja në Bashkimin Europian duhet të rriten në vitin 2023. ACEA pret një rritje prej 5% të regjistrimeve.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.