Produktet e para të shërbimit satelitor – Rama: Ndërtimet abuzive dhe sipërfaqet me kanabis, më të lehta për t’u konstatuar

Në janar të këtij viti në qendër hapësinore Kenedi në SHBA është kryer lëshimi i dy satelitëve tanë Albania 1 dhe Albania 2 dhe deri më 21 qershor janë mbledhur imazhe të rëndësishme për 16 mijë km katrorë të Shqipërisë. Gjatë fjalës së tij në prezantimin e produkteve të para të shërbimit satelitor, kryeministri Edi Rama u shpreh se ndërkohë janë shtuar edhe 8 satelitë të tjerë për të na furnizuar me më shumë imazhe në lidhje me territorin.

“Vlera e këtyre imazhe për disiplinën në rindërtim është e jashtëzakonshme, pasi mund të lexojmë në kohë reale për shfrytëzimin e territorit dhe për ndërtimet pa leje. Është një proces pune që do të kërkojë përfshirje të institucioneve me shumë kursim në kosto dhe sigurish me kontribut të madh  në mbështetje të agjensive ligjzbatuese kanabisi. Tashmë është më e lehtë për të gjithë autoritetet që të kenë një qartësi të plotë jo vetëm në sa sipërfaqe konstatohet e tillë, por edhe për ndërhyrjet. Kombinimi i të dhënëve me monitorime bërë me Guarda Di Financa na jep një fuqi të madhe. U fol për zjarret, për ndërhyrjet e paligjshme në pyje dhe për reflektimin e të dhënave që kanë të bëjnë me përmbajtjen e ujit. Me imazhet satelitore të marra për produktet bujqësore ne mund të marrim lajme të mira që janë në territor por që ne nuk mund ti marrim”, ka thënë Rama.

Ndërkohë, ministrja e Infrastrukturës dhe Energjisë, njëkohësisht zv/kryeministre, Belinda Balluku, u shpreh se deri më tani është mbuluar me imazheri rreth 47% e sipërfaqes së territorit shqiptar.

“Shqipëria me futjen e shërbimeve satelitore është duke avancuar drejt përdorimit të teknologjive të avancuara si Inteligjenca Artificiale, machine learning dhe deep learning. Kështu nëpërmjet dixhitalizimit automatik, është arritur që nëpërmjet Inteligjencës Artificiale dhe metodës deep learning kemi marrë shembuj të ndryshëm që krijojmë modele prej tyre he më pas aplikohen mbi imazhe të ndryshme për të arritur objektivin final. “, shtoi Balluku.

Dorian Koça / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.