Pse BE po konsideron ndalimin e detyrueshëm të përdorimit të Huawei për të ndërtuar rrjetin 5G?!

Bashkimi Europian po shqyrton një ndalim të detyrueshëm për shtetet anëtare që përdorin kompanitë që mund të paraqesin rrezik sigurie në rrjetet e tyre 5G, duke përfshirë Huawei Technologies Co Ltd të Kinës, raportoi Financial Times.

Masa vjen si një përgjigje ndaj shqetësimeve në rritje në Bruksel rreth vonesës së veprimit nga disa qeveri kombëtare për këtë çështje, thanë zyrtarët për gazetën.

Në vitin 2020, BE-ja tha se shtetet anëtare mund të kufizojnë ose përjashtojnë shitësit me rrezik të lartë 5G si Huawei nga pjesët kryesore të rrjetit të tyre të telekomunikacionit dhe i rezistuan presionit në atë kohë nga Uashingtoni për një ndalim të plotë të telekomit kinez.

Në një takim të premten e kaluar, komisioneri i tregut të brendshëm të BE-së Thierry Breton informoi ministrat e telekomunikacionit se vetëm një e treta e vendeve të BE-së kishin zbatuar ndalimet e Huawei në zona kritike, thuhet në raport.

Meqenëse udhëzimet nuk kishin një ndalim në vitin 2020, BE-ja mund të prezantojë një ndalim të detyrueshëm për kompanitë që konsiderohen se paraqesin rrezik sigurie, nëse vendet anëtare si Gjermania vazhdojnë të vonojnë, shtoi gazeta.

Gjermania ka konsideruar ndalimin e disa komponentëve nga kompanitë kineze Huawei dhe ZTE në rrjetin e saj të telekomunikacionit, i tha një burim qeveritar Reuters në mars, në një lëvizje potencialisht të rëndësishme për të adresuar shqetësimet e sigurisë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.