Qeveria lehtëson tatimin mbi pagën, përfiton shtresa e mesme – Mete: Nga 1 korriku, rritet kufiri mbi të cilën aplikohet tatimit mbi pagën

Ministri i Financave Ervin Mete paralajmëron një ndryshim të rëndësishëm në aplikimin e tatimit mbi pagat. Në një forum biznesi me Dhomën Amerikane të Tregtisë, Mete tha se duke nisur nga muaji korrik do të rritet kufiri i sipërm i pagave mbi të cilat aplikohet tatami. Sipas tij kjo është një masë lehtësuese për të punësuarit që është mundësuar nga performanca shumë e mirë e të ardhurave tatimore.

Kreu i financave tha se mbështetja e kapitalit njerëzor dhe rritja e aftësimit për një punësim sa më cilësor është kthyer në sfidë. Ai tha se qeveria po avancon me reformën e pagave dhe paralajmëroi se brenda muajit prill do të detajohet rritja për të gjitha kategoritë e parashikuara të punonjësve në sektorin publik. Kjo rritje do të bëhet efektive duke nisur nga 1 korriku i këtij viti. Po ashtu Mete tha se qeveria është në hapat e fundit të konstituimit të Këshillit Tatimor dhe ftoi sipërmarrësit që të aplikojnë për t’u bërë pjesë aktive e këtij Këshilli.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.