Referendum për paratë cash në Zvicër – Qytetarët nuk pranojnë të heqin dorë nga ‘to

Qytetarët zviceranë do të kenë mundësinë të përpiqen të sigurohen që ekonomia e tyre të mos mbetet asnjëherë pa para cash. Kjo pas mbledhjes së një numri të konsiderueshëm firmash për zhvillimin e një referendumi për këtë temë.

FBS – Lëvizja e Zvicrës së Lirë – këmbëngul se paratë e gatshme po luajnë një rol në tkurrjen e shumë ekonomive, pasi pagesat elektronike bëhen zgjedhja kryesore për transaksionet në shoqëritë gjithnjë e më të dixhitalizuara, duke e bërë më të lehtë për shtetin të monitorojë veprimet e qytetarëve të tij.

FBS kërkon një klauzolë të shtuar në ligjin e monedhës së Zvicrës, i cili rregullon mënyrën se si banka qendrore dhe qeveria menaxhojnë ofertën e parasë, duke përcaktuar se një “sasi e mjaftueshme” kartëmonedhash ose monedhash duhet të mbetet gjithmonë në qarkullim.

FBS tha se kishte mbledhur mbi 111 mijë nënshkrime në mbështetje të masës, më shumë se 100 mijë të nevojshme për të organizimin e një referendumi. Sipas sistemit të demokracisë së drejtpërdrejtë të Zvicrës, propozimi do të bëhej ligj nëse miratohej nga votuesit, megjithëse qeveria dhe parlamenti do të vendosnin se si do të zbatohet ai ligj. FBS këmbëngul se heqja e parave cash nga qarkullimi nuk prek vetëm çështjet e transparencës, thjeshtësisë ose sigurisë, por gjithashtu mbart një rrezik të madh të mbikëqyrjes totalitare. Kjo lëvizje e sheh Zvicrën si një standard europian për mbrojtjen e parave të gatshme, pasi shtytja e garancive të tilla në Bashkimin Europian do të përfshinte procesin “pothuajse të pamundur” të sigurimit të miratimit nga të 27 vendet anëtare.

E përshpejtuar nga ndikimi i bllokimeve të COVID-19, tendenca drejt rritjes së pagesave pa para ishte e dukshme që në vitin 2017, kur një studim i Ipsos zbuloi se më shumë se një e treta e europianëve dhe amerikanëve do të kalonin me kënaqësi në sistemin pa para cash dhe 20% pothuajse e bëjnë këtë tashmë.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.