Sa e mbështet shteti diasporën? – Diskutimi në “Studio Intel”, nga strategjitë e biznesit deri te pjesëmarrja në votime

Florian Haçkaj, Drejtues i lëvizjes “Diaspora për Shqipërinë e lirë”, i ftuar në emisionin “Studio Intel” u shpreh se shteti Shqiptar nuk i ka vendosur në praktikë strategjitë e diasporës, kryesisht për të rikthyer investimet. Ai tha se shteti shqiptar investimet që u’a ofron bizneseve nga shtetet e huaja mund t’ua ofrojë bizneseve shqiptare në diasporë.

I ftuar gjithashtu në emision ishte edhe Daniel Nikolla, përfaqësues i diasporës, i cili e ndali fokusin kryesisht te lidhjet konkrete që duhet të mbajë qeveria shqiptare me diasporën. Ai propozoi një database të bisneseve shqiptare në diasporë e cila mund t’i vijë në ndihmë studentëve shqiptarë që studiojnë jashtë dhe duan të integrohen në punë.

Ndër të tjera Florjan Haçkaj u ndal edhe te vota e diasporës. Ai u shpreh se pjesëmarrja e diasporës shqiptare në votime do të sillte demokratizim të votës.

Xhorxhina Deda / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.