Sfidat që i presin kryebashkiakët e rinj – Nga shlyerja e borxheve në 2024, te vendimi i papëlqyeshëm i rritjes së disa taksave

Kryebashkiakët e rinj pritet të përballen me sfida të konsiderueshme ekonomiko – financiare në vitet e ardhshme.

Sfida e parë që i pret 61 kryebashkiakët e rinj ëhstë padyshim sfida e borxheve. Referuar të dhënave zyrtare, rezulton se bashkitë sëbashku kanë një stok detyrimesh të prapambetura që arrin në thuajse 6 miliardë lekë.

Megjithatë, duhet evidentuar se kryebashkiakët e rinj, janë më pak të trysnuar sesa kryebashkiakët e mëparshëm të cilët në 4 vitet e kaluar kanë reduktuar me 50 % nivelin e borxhit total që kishin.

Pavarësisht se ka një reduktim të borxhit, vetëm 43 bashki në rang vendi rezultojnë pa probleme financiare, ndërsa 18 bashki të tjera shfaqen me vështirësi dhe probleme financiare.

Pak muaj më parë, qeveria shqiptare ka miratuar një ligj që lidhet direkt me problematikën e borxheve të bashkive, sipas të cilit, detyrimet e prapambetura do të duhet të shlyhen brenda vitit 2024. Ndaj, kjo pritet të jetë emergjenca e parë me të cilën do të përballen 61 kryebashkiakët e rinj.

Përtej emergjencave të përkohshme, si detyrimet e prapambetura apo menaxhimi I sezonit turistik që sapo ka nisur, kryebashkiakët e rinj do të përballen edhe me disa sfida të tjera.

Parashikimet e bëra tregojnë se bashskië e reja do të përbaleln gjithnjë e më shumë me sfidën e përthithjes së burimeve njerëzore profesionale. Trendet e migrimit janë përherë e më shumë drejt kryeqytetit apo qyteteve pranë tij.

Sipas të dhënave nga INSTAT , rezulton se ka një ulje të popullsisë në të 11 qarqe të vendit, përveç Tiranës e cila shënon rritje. Sipas projeksioneve të popullsisë (Instat 2019) deri në vitin 2031, vetëm popullsia e qarkut të Tiranës pritet të jetë më e lartë se ajo e vitit 2019, duke arritur në rreth 954 mijë banorë.

Sa i përket njësive të vetëqeverisjes vendore, plotësimi i stafit të bashkisë mbetet një ndër çështjet më delikate dhe do të ketë vështirësi për të rekrutuar profesionistë në disa profile si ekonomistë, juristë, IT por edhe për profile të tjera si agronomë, inxhinierë ndërtimi, arkitektë, etj.

Këto vështirësi lidhen me mungesën e interesit për të punuar në bashki (posaçërisht ato bashki që ndodhen gjeografikisht larg kryeqytetit); paga e ulëta dhe mungesën në treg për profesione të caktuara.

Kryebashkiakët e rinj do të duhet të përballen edhe me vendime jo populiste si rritja e taksave të caktuara, që do t’I ndihmonte ato që të ulin bvarësinë që kanë nga qeveria qendrore por edhe do t’u mundësonte realizimin e invetsimeve apo përmirësimin e shërbimeve publike.

Përtej këtyre sfidave, kryebashkiaket e rinj do të jenë zbatuesit e strategjisë së re të decentralizimit 2023-2030, që në thelb përbën një fazë të re të procesit të procesit të nisur nga viti 2015, kur njësitë vendore nga nga 373 u reduktuan në 61 të tilla.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.