Shitësit me pakicë investojnë në teknologji – Objektivi, zhvillimi i e-commerce dhe rimodelimi i dyqaneve fizike

Kompanitë globale të shitjes me pakicë po kryejnë një seri investimesh teknologjike, ku sektori i kushton një theks të veçantë zhvillimit të vazhdueshëm të tregtisë elektronike, por edhe rolit të ri të dyqaneve fizike. Shitësit më të suksesshëm me pakicë kombinojnë teknologjinë me faktorin njerëzor për të ofruar përvojën më të mirë të mundshme për klientët e tyre. Të dhënat e fundit nga një studim që  analizon dhe rendit 250 kompanitë më të mëdha të shitjes me pakicë në mbarë botën, pubikohen pas vlerësimit të bizneseve me rritjen më të shpejtë dhe analizimit të performancës e tyre sipas zonave gjeografike të funksionimit dhe kategorive të produkteve.

Raporti evidenton për vitin 2023 liderin e listës përkatëse – edhe për një vit – Walmart, i cili së bashku me Amazon, si kompani dixhitale të shitjes me pakicë, përfituan nga ndryshimet në sjelljen e konsumatorëve dhe nga rritja e përdorimit të dyqaneve dixhitale gjatë pandemisë, por edhe pas asaj. Në shumicën e tyre, 10 shitësit kryesorë forcuan aftësitë e tyre dixhitale duke përfituar nga zgjidhjet moderne të teknologjisë, si në dyqan ashtu edhe për të zhvilluar dhe përmirësuar kanalet alternative të ndërfaqes me bazën e tyre të klientëve.

Përdorimi i teknologjisë në shitjet me pakicë po bëhet gjithnjë e më i rëndësishëm në përpjekjet e shitësve me pakicë për të tërhequr konsumatorët në dyqanet fizike. Përdorimi i teknologjive të avancuara, të tilla si realiteti virtual dhe i shtuar, inteligjenca artificiale dhe analiza e të dhënave, i ndihmon shitësit të personalizojnë propozimet e tyre. Teknologjia po ndihmon gjithashtu bizneset në industri që të përmirësojnë proceset e arkëtimit dhe të ofrojnë një sërë shërbimesh përtej shitjeve të produkteve, të tilla si riparimet në vend dhe shërbimet e personalizuara.

Një nga tendencat më të rëndësishme të shitjes me pakicë, që do të ndikojë në tregun global është rishitja e produkteve. Shumë shitës me pakicë po hyjnë ose po zgjerohen në tregun e dorës së dytë, i cili është një zgjedhje blerjeje për gjithnjë e më shumë konsumatorë

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.