Si ‘kokëfortësia’ gjermane po dobëson ekonominë më të fuqishme të Europës?!

Ishte një nga shpikjet më të mëdha gjermane, themeli i suksesit ekonomik të vendit dhe ende përshin më shumë se një milion vende pune, mban disa nga kompanitë e saj më të mëdha dhe mishëron shumë nga identiteti i saj kombëtar dhe ekonomik.

Asnjë vend nuk është më shumë i rrezikuar nga mbijetesa e motorit me djegie të brendshme sesa Gjermania dhe nga zëvendësimi i tij me bateri për të fuqizuar makinat. Dhe është krejtësisht e kuptueshme që po lufton një veprim të ashpër praparoje brenda Bashkimit Europian për ta mbajtur atë për aq kohë sa të jetë e mundur.

Në realitet, basti i madh i Gjermanisë për benzinën do të kthehet në një dështim epik të politikës industriale. Sigurisht, ne të gjithë mund të kuptojmë se pse dëshiron të varet nga ajo. Problemi është se kjo do të thotë se do të mbetet pas nga konkurrentët më të zgjuar; do të pengojë investimet në industri të reja; dhe do të rrënjos fuqinë e interesave personale që në mënyrë të pashmangshme janë kundër ndryshimit.

Në të vërtetë, kapja pas teknologjive të vjetra nuk funksionon kurrë dhe Gjermania do të përfundojë vetëm duke dobësuar atë që mbetet ekonomia më e fuqishme e kontinentit. Pjesa tjetër e botës mund të konkurrojë furishëm për energjitë e gjelbra, për subvencionet për impiantet e baterive dhe për ndërtimin e infrastrukturës së karikimit që do ta bëjë stacionin tradicional të benzinës një relike historike, por Gjermania, me sa duket, ka vendosur që motori me djegie të brendshme është e ardhmja.

BE kishte planifikuar të ndalonte shitjen e makinave të reja me benzinë deri në vitin 2035, në të njëjtin vit kur ato do të hiqen gradualisht në Shtetet e Bashkuara, Britani dhe shumë ekonomi të tjera të mëdha. Megjithatë, gjatë javëve të fundit, Gjermania kishte bërë rezistencë të ashpër ndaj kësaj, duke kërkuar që ndalimi të vonohej ose të përfshinte një përjashtim për karburantet sintetike. Javën e kaluar Austria iu bashkua kauzës së fqinjit të saj më të madh, me kancelarin Karl Nehammer që u angazhua për të luftuar ndalimin. Mbetet për t’u parë se çfarë do të ndodhë në javët e ardhshme.

Megjithatë, një pikë është me siguri e qartë që brenda BE-së, Gjermania përgjithësisht merr rrugën e saj. Ndërsa pjesa tjetër e botës përqendrohet në kalimin në energji elektrike, me hidrogjenin si një mbështetje potenciale nëse teknologjia mund të funksionojë, Gjermania do të dyfishojë në vend të saj naftën dhe benzinën. Natyrisht, ne mund të kuptojmë se çfarë po ndërton struktura industriale gjermane, edhe nëse është, për ta thënë butë, pak befasuese që e vetmja ekonomi e madhe me të Gjelbërit si pjesë e koalicionit qeverisës po lufton për të ruajtur lëndët djegëse fosile.

Motori i benzinës është vendimtar për prosperitetin e ekonomisë gjermane. Ajo përbën një milion vende pune drejtpërdrejt, pasi të përfshihen furnizuesit e pjesëve, dhe shumë të tjera varen nga pasuria që krijon. Ajo gjeneron 120 miliardë dollarë në eksporte çdo vit. Dhe jep fitimet dhe rritjen që i duhet vendit për të vazhduar zgjerimin. Në shumë vende, industria e makinave është e rëndësishme, por në Gjermani është vendimtare.

Sigurisht, Volkswagen, BMW dhe Mercedes po derdhin të gjithë miliarda investime në makina elektrike dhe mund të shpresojnë të dalin si liderë përfundimisht. Për momentin, megjithatë, ata janë ende shumë prapa. Kapja pas teknologjive të vjetra është rrallë një strategji fituese. Së pari, në mënyrë të pashmangshme mbeteni pas nga konkurrentët më të zgjuar.

Së fundi, dhe ndoshta më e rëndësishmja, ajo do të rrënjos fuqinë e të gjitha interesave personale që janë kundër reformës. Nëse Mbretëria e Bashkuar shpesh duket të jetë një sistem shëndetësor me një vend të bashkangjitur, Gjermania shpesh duket të jetë një industri automobilistike me një komb të përfshirë.

Politika, kultura dhe ekonomia e tij dominohen nga makinat dhe sa më gjatë të varet nga motori me djegie, aq më e vështirë do të jetë për të që të ndryshojë ndonjëherë. Pikërisht në momentin kur Gjermania duhet të rishpikë ekonominë e saj, ajo po zgjedh të shkojë prapa. Mbretëria e Bashkuar po bën një rrëmujë të tranzicionit në EV, por kjo nuk është aspak kritike pasi industria jonë e automjeteve nuk është më jetike për prosperitetin tonë dhe nuk ka qenë më për shumë vite.

Franca po bën bast të madh që mund të përshpejtojë tranzicionin dhe vendet më të vogla po krijojnë vende për prodhuesit e tyre. Por Gjermania po gërmon thembrat e saj dhe po bën gjithçka që mundet për të siguruar që motori i benzinës të mbijetojë për aq kohë sa të jetë e mundur.

Është një kumar i madh dhe që nuk ka gjasa të ketë sukses. Rreth vitit 2040, gjermanët mund të jenë ende duke lëvizur përgjatë autobahneve në mjetet e tyre me karburant por pjesa tjetër e botës do të ketë ecur përpara. Dhe kapja pas benzinës do të provojë të jetë një gabim i madh strategjik për ekonominë më të madhe të Europës.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.