“Slow tv” çmend suedezët – Natyra dhe kafshët, në transmetim të drejtpërdrejtë

I njohur si ‘slow tv’ me në qendër natyrën dhe jetën e kafshëve, ky është një format televiziv afatgjatë, por shumë i popullarizuar nga audienca suedeze: imazhe të drejtpërdrejta, që përfaqësojnë natyrën e egër

Falë dhjetëra kamerave të instaluara në pyjet e gjera suedeze, transmetimet e drejtpërdrejta pa ndalesë të drerit dhe kafshëve të tjera të egra regjistrojnë një audiencë gjithnjë në rritje.

Kur drerët afrohen me tek liqeni, komentet interaktive në kohë reale shumëfishohen.

Kjo është një skenë tipike nga programi “Den Stora Algvandringen” – “Shpërngulja e madhe e Drerit”, një shembull i të ashtuquajturit “TV i ngadalshëm”, në të cilin gjërat ndodhin me ritmin e tyre dhe përfaqësojnë një antidot për stresin e jetës së përditshme.

Zhanri lindi në 2009 në Norvegji, me një transmetim të regjistruar – 7 orë i gjatë – të një treni që udhëtonte nëpër fshatrat me dëborë.

Transmetuar çdo pranverë nga transmetuesi publik SVT, “Den Stora Algvandringen” tërheq një komunitet të madh ndjekësish, të cilët shikojnë dhe komentojnë çdo lëvizje të kafshëve.

“Drerët konsiderohen mjeshtra të pyllit,” sipas spektatorëve të apasionuar dhe në Suedi, ka mbi 300 mijë të tillë.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.