Statistikat e ndërmarrjeve në Shqipëri – Bizneset me pronarë të huaj punësojnë 11.6% të të punësuarëve

Fokus i rëndësishëm i ekonomisë shqiptare është aktiviteti tregtar, pra biznesi si dhe shërbime të tjera. Por referuar statistikave, këto aktivitete numërojnë rreth 31.7% të regjistrimeve të reja sipas INSTAT. Në këto të dhëna, 56.6% e ndërmarrjeve janë prodhues të shërbimeve të cilat janë shtrirë në të gjitha qarqet, por në Tiranë e Durrës janë përqëndruar 56.7% e grupit të prodhuesve të shërbimeve.

Në aspektin ligjor, bizneset në Shqipëri janë organizuar kryesisht si “Persona Fizikë”, ku numërohen 48.5%, por nga ana tjetër personat jurdikë janë kontribut kryesor në ekonominë e vendit.

Ndarja e gjinisë në drejtimin e bizneseve mbetet interesante, ku gratë menaxhojnë ose zotërojnë 24.1% të ndërmarrjeve gjithsej. Parë në këndvështrim bashkiak, kryqyteti ka përqindjen më të madhe të ndërmarrjeve të drejtuara nga gratë me 38.1%, ndërsa me 0.03% shënon numrin më të ulët të grave drejtuese Bashkia Pustec.

Në këtë përmbledhje të statistikave të biznesit, përmendet dhe madhësia e bizneseve që do të thotë, rreth 90.6% e ndërmarrjeve janë të vogla, përkatësisht 1-4 të punësuar. Ndërsa ndërmarrjet me 50 e më shumë të punësuar zënë vetëm 1.1% të ndërmarrjeve.

Për t’u ndalur në pronësinë e këtyre bizneseve, ato të cilët drejtohet me pronarë apo bashkëpronarë të huaj zënë 3.7% të ndërmarrjeve, dhe punësojnë 11.6% të punësuarëve. Ndërsa ndërmarrjet e huaja dhe të përbashkëta janë të përqëndruara kryesisht në bashkitë Tiranë dhe Durrës, përkatësisht 65,1% dhe 11,0%.

Në struktura të shitjeve sipas qarqeve, rezulton se Tirana zë pjesën më të madhe të shitjeve neto me 55.4%, e ndjekur nga qarku i Durrësit me 13.1%. Të dhënat tregojnë se qarku i Kukësit ka përqindjen më të ulët të shitjeve neto. Duke ju referuar aktiviteti të industrisë nxjerrëse, qarku i Fierit zë peshën më të madhe të shitjeve neto me 40,0%, ndërsa qarku Gjirokastër ka peshën më të vogel të shitjeve neto me 0,2%.

Diamila Leka / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.