Stimul monetar për të jetuar në Spanjë – Cilat destinacione europiane do t’ju paguajnë për të jetuar atje?

Një qytet në Spanjë po josh britanikët që të lëvizin atje me stimuj parash – një lajm i shkëlqyeshëm për këdo që mendon për një lëvizje nga Britania. Ponga, një qytet dhe komunë në veriperëndim të Spanjës, thotë se do të paguajë 2,971 euro për çdo person që zgjedh të zhvendoset atje. Skema synon të forcojë ekonominë lokale, si shumë nisma të ngjashme të nisura në qytete dhe fshatra rurale italiane.

Përveç 2,971 euro fillestare  për person që zgjedh të zhvendoset në qytet, Ponga do të shtojë 2,971 euro të tjera për çdo fëmijë të lindur atje. Nisma shpreson t’i japë zonës me rreth 600 banorë një nxitje shumë të nevojshme. Ponga ka shumë për t’u ofruar pjesëmarrësve të mundshëm të skemës. Moti është dukshëm më i mirë se në Britaninë me shi, zona ka 44% më shumë orë diell në vit sesa në MB.

Kjo skemë në dukje idilike ka një të fshehur, por për shumë mund të mos jetë aspak një vështirësi. Për të përfituar nga oferta, britanikët duhet të angazhohen të jetojnë në Ponga për pesë vjet ose më shumë.

Disa qytete dhe zona europiane kanë ofruar skema të zhvendosjes si Ponga në një përpjekje për të ndihmuar popullsinë në pakësim ose ekonomitë lokale në stanjacion. Fshati spanjoll Rubia në Galicia gjithashtu kohët e fundit njoftoi se do të paguante emigrantët deri në 150 euro në muaj për të jetuar atje. Skema kishte për qëllim veçanërisht familjet me shpresën për të rritur numrin e nxënësve në shkollat lokale.

Presicce në rajonin jugor italian të Pulias nisi një projekt të ngjashëm në fund të vitit të kaluar. Sipas skemës, banorët e rinj marrin 30,000 euro me kusht që t’i përdorin paratë për të blerë dhe rinovuar një pronë të pabanuar. Në Kalabri, rajoni jugperëndimor i Italisë, zhvendosja në një fshat me 2,000 banorë ose më pak, do t’ju fitojë deri në 28,000 euro.

Nisma shpreson të luftojë shpopullimin, një problem për shumë qytete të vogla dhe fshatra në zonat rurale të Italisë. Të interesuarit për të aplikuar duhet të jenë 40 vjeç e poshtë dhe të lëvizin në rajon brenda 90 ditëve nga pranimi i aplikimit të tyre. Ata gjithashtu duhet të hapin një biznes ose të gjejnë punë.

Në të gjithë vendin, qytetet dhe fshatrat kanë eksperimentuar gjithashtu me skemat e vazhdueshme “shtëpi 1 euro”. Këto përfshijnë pronat boshe ose të braktisura që shiten për një vlerë të vogël, shpesh me kushtin që pronarët e rinj të shtëpive të angazhohen për rinovimin e pronës ose transferimin e vendbanimit të tyre në vendndodhje.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.