Të rinjtë shqiptarë jetojnë me para nga jashtë – Ekskluzive/ Drejtori i ILO rendit shkaqet pse ikin të kualifikuarit

27 për qind e të rinjve shqiptarë konsiderohen si “parazitë”, pasi nuk janë në tregun e punës dhe nuk rezultojnë as në sistemin arsimor. Në një intervistë ekskluzive për SCAN TV, Drejtori i Zyrës Organizatës Ndërkombëtare të Punës, ILO, për Europën Qendrore dhe Lindore,  Markus Pilgrim liston defektet që ka tregu aktual i punës në Shqipëri.

“Janë disa arsye. Është një çështje shumë komplekse. Ju mund të shihni analiza statistikore solide që është zakonisht një lidhje e ngushtë midis remitancave të larta nga jashtë kufijve duke qenë se një grup i madh shqiptarësh punojnë jashtë Shqipërisë, kështu që remitancat sigurisht që luajnë një rol i cili dekurajon njerëzit që të mos kërkojnë për punë, pasi ata kanë të ardhura të qëndrueshme nga të afërmit qe u dërgojnë para nga jashtë. Në gjithashtu duhet të mendojmë për pagesat, pagat në të vërtetë nuk janë konkurruese apo nuk janë tërheqëse mjaftueshëm. Ne duhet të mendojmë rreth produktivitetit të firmave, ato mund të paguajnë paga të larta vetëm nëse bëhen më shumë produktivë. Dhe së treti, ka një hendek aftësish. Kështu të rinjtë e trajnuar në shkollat apo universitete, nuk marrin kualifikimet e kërkuara realisht nga bizneset. Mendoj që këto janë tre arsyet më madhore”, u shpreh Markus Pilgrim, Drejtor i Zyrës së ILO për Europën Qendrore dhe Lindore.

Drejtori i ILOS argumenton edhe arsyet pse shqiptarët zgjedhin emigrimin, ku sipas tij kryesojnë pagat e larta që ofrohen në tregjet europiane.

“Së pari, kur unë fola për dekuarjimin e të rinjve në Shqipëri, iu referova vetëm atyre që jetojnë në Shqipëri. Për të qenë më i qartë, po thuajse 1 në 3 të rinj, është midis këtyre të rinjve që nuk është as i punësuar, as në edukim, as në trajnim. Nga ana tjetër shohim një emigrim të vazhdueshëm të të rinjve drejt Europës. Për të qenë realist, edhe në vitet e tjera të ardhshme nuk do ta ndalojmë këtë.  Diferencat në page midis vendeve anëtare të Bashkimit Europian, si Austria, Gjermania, vendet e Mbretërisë së Bashkuar dhe Shqipërisë është ende mjaft e madhe. Unë mendoj se ajo që duhet të mendojmë është rezerva e fshehtë që tregu shqiptar i punës ofron. Dhe kjo lidhet me këta të rinj të dekurajuar që jetojnë në Shqipëri, ne duhet ti integrojmë ata në treg dhe gjithashtu edhe gratë”, shtoi ai.

Përfaqësues të Organizatës Ndërkombëtare të Punës, ILO, qeveria shqiptare, sindikatat e punonjësve dhe përfaqësues të biznesit, kanë nënshkruar programnin vendor të punës së denjë 2023-2026 për Shqipërinë, i cili ka si objektiv që në 4 vitet e ardhshme të kontibuojë në ofrimin e një panorame ndryshe në tregun shqiptar të punës.

Elisabeta Dosku / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.