Tesla ul çmimet për herë të gjashtë këtë vit – Ja modelet që do të ulen deri në 3 mijë dollarë

Tesla Inc uli çmimet për disa nga automjetet e saj elektrike Model Y dhe Model 3 në Shtetet e Bashkuara, sipas të dhënave të uebfaqes së kompanisë. Kjo është hera e gjashtë që ka ulur çmimet në SHBA këtë vit mes shqetësimeve për efektin në fitimin e saj.

Tesla, e cila do të raportojë rezultatet e tremujorit janar-mars, uli çmimet e automjeteve të saj Model Y me ‘gamë të gjatë’ dhe ‘performancë’ me 3000 dollarë secila dhe atë të Model 3 ‘me rrota të pasme’ me 2000 dollarë në 39990 dollarë.

Kompania e udhëhequr nga Elon Musk ka ulur çmimet në SHBA të Modelit 3 të saj bazë me 11% deri më tani këtë vit dhe atë të Modelit të saj bazë Y me 20%, lëvizje që vijnë pasi Shtetet e Bashkuara, tregu i saj më i madh, përgatitet të prezantojë standarde më të ashpra që do të kufizojë kreditimin e taksave për EV.

Kompania gjithashtu kohët e fundit uli çmimet në Evropë, Izrael dhe Singapor, si dhe në Japoni, Australi dhe Korenë e Jugut, duke zgjeruar një lëvizje zbritjeje që filloi në Kinë në janar për të nxitur kërkesën.

Megjithatë, Tesla, në fillim të këtij muaji, raportoi një rritje të vazhdueshme prej 4% të dërgesave në tremujorin e parë, shumë më pak se rritja e vazhdueshme prej 17.8% në tremujorin e katërt.

Krahas kësaj, uljet agresive të çmimeve kanë ngritur gjithashtu shqetësime në lidhje me marzhet e fitimit të kompanisë me bazë në Austin Teksas.

Ndërsa Tesla pritet të raportojë një rritje prej 24.2% nga viti në vit në të ardhurat e tremujorit të parë në 23.29 miliardë dollarë, vlerësimi mesatar i fitimit të analistëve ka rënë me rreth 2.4% në tre muajt e fundit, sipas të dhënave të Refinitiv.

Çmimi i aksioneve të Tesla-s është rritur nën 50% këtë vit.

N.Xh / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.