Tregjet europiane, në qëndrueshmëri – Investitorët presin mbledhjen e FED, shqetëson ngadalësimi i ekonomisë

Tregjet europiane janë hapur me ndryshime të vogla në sesionin e sotëm, ndërsa investitorët vijojnë të jenë të shqetësuar për ngadalësimin e ekonomisë dhe inflacionin e lartë. Gjithsesi më shumë qartësi do të ketë javën e ardhshme, kur Rezerva Federale të marrë vendimet e saj në lidhje me politikat monetare.

Gjerësisht tregjet presion një rritje të normës bazë të interesit me 50 pikë bazë. Edhe shumica e tregjeve aziatike kanë pasur një sesion të kujdesshëm, ndërsa Wall Street është mbyllur në rënie. Indeksi pan-Europian Stoxx 600 është hapur në rënie me 0.2%, fokusi i tregjeve është rikthyer te ngadalësimi i ekonomisë.

Në takimin e javës së ardhshme, banka qëndrore në SHBA pritet të rrisë normën bazë të interesit me 50 pikë bazë, por vendimtare do të jenë të dhënat mbi inflacionin që do të publikohen një ditë përpara mbledhjes së FED. Për muajin tetor, inflacioni në SHBA rezultoi në 7.7%, ndërsa analistët parashikojnë një ngadalësim të mëtejshëm për muajin nëntor.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.