Tregu grek i hapësirës, magnet për kompanitë e huaja – “Open Cosmos” investime deri në 20 milionë euro

Greqia ka hyrë në radarin e kompanive të huaja që zhvillojnë aplikacione hapësinore. Shkaku kryesor është projekti prej 60 milionë eurosh për të zhvilluar një grup mikrosatelitësh për vëzhgimin e tokës, tenderi i të cilit tërhoqi tetë konsorciume lojtarësh grekë dhe të huaj, si ‘Thales’ i Francës dhe ‘OHB’ i Gjermanisë. Një nga aplikimet në konkursin për mikrosatelitët grekë erdhi nga ‘Open Cosmos’ që ka zyra në Britaninë e Madhe, Spanjë dhe Portugali. Ajo është aktive në analizimin e të dhënave satelitore të cilat janë të dobishme për luftën kundër ndryshimeve klimatike dhe tranzicionit të gjelbër.

Kompania bie në sy sepse raundi i dytë i financimit që realizoi, në shtator 2023, duke mbledhur rreth 46 milionë euro, mbante “vulën” greke. Investitorët e Open Cosmos përfshijnë Ireon Ventures, që është krahu Venture Capital i Motor Oil Hellas. Menaxhmenti i grupit të energjisë po zbaton, me horizont 2030, një program transformimi energjetik prej 4 miliardë eurosh që përfshin forcimin e investimeve në burimet e rinovueshme të energjisë dhe zhvillimin e pikave të karikimit të automjeteve elektrike.

Njëkohësisht promovon projektin IRIS, të cilin ka zgjedhur ta financojë me 127 milionë euro Fondi i Inovacionit, për ‘sekuestrimin’ e dioksidit të karbonit nga njësia e prodhimit të hidrogjenit të rafinerisë Motor Oil. Transformimi i gjelbër i Motor Oil shkon paralelisht me aktivitetin e ‘Open Cosmos’, e cila prodhon satelitët e vëzhgimit orbital dhe përmes platformës që ka zhvilluar, analizon të dhënat satelitore në lidhje me temperaturën e planetit, nivelin e oqeaneve, duke regjistruar 54 variabla klimatike, si p.sh. gazrat serë, ozoni etj,.

Kompania pretendon projektin e ndërtimit të mikrosatelitëve grekë, por pavarësisht rezultatit të tenderit, po nis investime prej 20 milionë eurosh në tregun grek. CEO i kompanisë u shpreh se ekosistemi hapësinor grek tregon perspektiva të mëdha. Për këtë arsye në Greqi po planifikohen 20 rekrutime. Teknologjia e zhvilluar në vitet e fundit mund të prodhojë rezultate për përdoruesit përfundimtarë. Teknologjia hapësinore kontribuon ndjeshëm në miratimin e veprimeve të nevojshme për t’u përballur me fatkeqësitë natyror.

Kompania përdor analizën e të dhënave për tre fusha. Ndryshimi i klimës nëpërmjet kontrollit, për shembull, cilësisë së ujit dhe shkretëtirës. Vëzhgimi i tokës që ofron të dhëna të vlefshme për burimet e rinovueshme të energjisë dhe nevojat për mirëmbajtje të objekteve të BRE-ve dhe infrastrukturave kritike që përbëjnë sektorin e tretë ku kompania investon.

Grupimi i mikrosatelitëve grekë do të ofrojë të dhëna dhe shërbime me vlerë të shtuar horizontalisht për organet publike greke, të tilla si, për shembull, Ministritë e Mjedisit dhe Energjisë, Krizës Klimatike dhe Mbrojtjes Civile, Transportit. Të dhënat satelitore dhe produktet që rezultojnë nga përpunimi i tyre do të mbështesin përpjekjet e Greqisë për të monitoruar vazhdimisht mjedisin, për të regjistruar ndryshimet me kalimin e kohës dhe për t’u marrë me ndryshimet klimatike.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.