Ultimatumi i Biden për emetimet në SHBA – 70% e automjeteve do të jenë elektrike brenda 2032

Presidenti amerikan Joe Biden ka dhënë një ultimatum në lidhje me reduktimin e emetimeve të gazeve serë në vend. Kreu i Shtëpisë së Bardhë u shpreh se brenda vitit 2032, 70% e automjeteve që do të qarkullojnë në vend do të jenë elektrike

 SHBA si Europa, Uashingtoni si Brukseli: të bashkuar nga një e ardhme që ata e imagjinojnë pothuajse vetëm elektrike. Agjencia e Shteteve të Bashkuara për Mbrojtjen e Mjedisit – e njohur më mirë si EPA, Agjencia për Mbrojtjen e Mjedisit, konfirmoi propozimin për standarde të reja federale për emetimet e automjeteve që do të përshpejtojnë kalimin në lëvizjen e gjelbër dhe “të përshtatshme për të trajtuar krizën e klimës”. Propozimet synojnë të përmirësojnë cilësinë e ajrit në komunitetet më të prekura nga ndotja e ajrit dhe të reduktojnë me rreth dhjetë miliardë ton emetime CO2, ekuivalente me më shumë se dyfishin e totalit të regjistruar në vend në vitin 2022, duke shmangur gjithashtu importin e rreth 20 miliardë fuçi nafte.

Administrata Biden-Harris pohon gjithashtu se që kur presidenti aktual mori detyrën, shitjet e automjeteve elektrike janë trefishuar dhe numri i modeleve në dispozicion është dyfishuar; për më tepër, ka mbi 130 mijë pika karikimi publike në të gjithë vendin, 40% më shumë se në vitin 2020, dhe sektori privat është zotuar të investojë mbi 120 miliardë dollarë në EV dhe bateri, edhe falë aktit të uljes së inflacionit, i cili shpërbleu me stimuj prodhimet kombëtare.

Rregullat i vendosin kufijtë e shkarkimit aq të rreptë saqë, nëse miratohen, do të nënkuptojnë se 67% e makinave të pasagjerëve të shitura në SHBA do të jenë neutrale ndaj karbonit deri në vitin 2032, me një hap mbresëlënës përpara për shitjet e automjeteve elektrike, të cilat, vitin e kaluar, u ndalën në SHBA në një peshë prej 5.6%. Duke filluar nga viti 2027, në fakt, objektivi i reduktimit të emetimeve të CO2 do të jetë konstant për çdo vit dhe për pesë vitet e ardhshme; EPA nuk mund t’i detyrojë drejtpërdrejt prodhuesit të shesin një përqindje të caktuar të automjeteve elektrike, por ajo ka fuqinë të vendosë standarde aq kufizuese për emetimet mesatare të shkarkimeve të modeleve të ofruara nga një prodhues, saqë regjistrimi është praktikisht i pashmangshëm. Rregullat në lidhje me automjetet e rënda do të zbatohen gjithashtu duke filluar nga viti 2027.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.