Vendimet e BQE mbështesin euron – Rrit normën e interesit me 25 pikë, në linjë me parashikimet e tregjeve
Euro po qëndron në rritje në sesionin e fundit të kësaj jave, përballë dollarit amerikan, pasi Banka Qendrore Europiane rriti normën bazë të interesit me 25 pikë bazë në takimin e së enjtes, në linjë edhe me parashikimet e analistëve. Presidentja e BQE, Christine Lagarde, sinjalizoi se politika monetare shtrënguese do të vijojë, sepse inflacioni është ende shumë larg objektivit prej 2%. Monedha europiane po tregtohet në rreth 1.1030 dollarë.
Në anën tjetër, dollari amerikan po gjenden nën presion edhe për shkak të problemeve që po shfaqin herë pas here bankat në Shtetet e Bashkuara, ndërsa po rritet presioni ndaj politikëbërësve për të marrë masa shtesë. Indeksi që mat ecurinë e dollarit amerikan, përballë shportës me 6 monedhat kryesore ndërkombëtare po qëndron në rreth 101.2.
Ndërkohë, paundi britanik është ngjitur pranë 1.26 dollarëve, niveli më i lartë në 12 muajt e fundit. Në tregun e kriptomonedhave, bitcoin po tregtohet i qëndrueshëm, pranë 29 mijë dollarëve, ndërsa ethereum po tregtohet në rreth 1900 dollarë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.