Zbutet rritja e çmimeve në zonën euro – Perspektiva e kompanive për koston dhe kërkesën, më e paqartë

Kompanitë e Eurozonës presin të ngadalësojnë ritmin e rritjes së çmimeve këtë vit pasi perspektiva e tyre për kostot dhe kërkesën bëhet më pak e qartë, sipas një sondazhi të Bankës Qendrore Europiane. Kjo e fundit rriti normat e interesit për të pestën herë radhazi të enjten dhe sinjalizoi rritje të tjera në të ardhmen duke pohuar se do të ruanjë të njëjtën linjë në luftën kundër inflacionit të lartë.

Duke ndihmuar përpjekjet e BQE-së për të zbutur çmimet në rritje, shkëmbimi i saj tremujor me kompanitë e mëdha të eurozonës tregoi se ata kishin ngadalësuar ritmin e rritjes së çmimeve dhe po prisnin rritje më të vogla këtë vit. Në një deklaratë për media BQE konfirmoi se çmimet e shitjes vazhduan të rriten në total, por me një ritëm të moderuar dhe me më shumë ndryshueshmëri nëpër sektorë dhe një perspektivë më pak të sigurtë.

Pritshmëritë e sipërmarrësve për rritje të çmimeve në të ardhmen arritën kulmin në fillim të vitit 2022 dhe që atëherë kanë qenë në rënie të vazhdueshme, me një ritëm më të vogël të rritjes së çmimeve në vitin 2023. Sipas BQE-së mundësia efektive që ata të rrisin çmimet do të varet nga evolucioni ‒ gjithnjë e më i pasigurt ‒ i kostove të inputeve dhe ndjeshmëria ndaj çmimeve të kërkesës.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.