“4.100 ton vaj ulliri i eksportuar” – Krifca: Rritje me 52 herë, e kemi shitur edhe 33 herë më shtrenjtë
Shqipëria ka rritur ndjeshëm eksportet e vajit të ullirit në 6 muajt e parë të këtij viti, ndërsa rritje ka pësuar edhe vlera me të cilën është shitur ky produkt. Të dhënat u bënë me dije nga ministrja e Bujqësisë dhe Zhvillimit Rural, Frida Krifca, që ia atribuoi këtë rritje masave të marra pas mbiprodhimit të ullirit.
“Në 6 mujorin e parë të këtij viti, i kemi rritur eksportet e vajit të ullirit në mbi 4,100 tonë, nga mesatarisht 80 tonë që ka eksportuar historikisht Shqipëria. Jemi rritur kështu me 52 herë në sasi por edhe 33 herë në vlerë, duke shitur produktin tonë më shtrenjtë në tregje me vlerë të shtuar. Një arritje e rëndësishme falë masave që u morën që në Dhjetor, në kushtet e superprodhimit të vajit të ullirit”.
Ndërkaq, Krifca tha se po punohet për rritjen e bashkëpunimit me qeverinë Italiane, ndërsa synimi është krijimi i një brandi të përbashkët të shqiptaro-italian të vajit të ullirit përmes një projekti me vlerë 3.6 mln euro.
Ola Mitre/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.