Bursat europiane, në rënie të ndjeshme – Investitorët, të shqetësuar për shtyrjen e negociatave të borxhit në SHBA
Bursat europiane janë hapur në rënie edhe në sesionin e sotëm, pasi humori i investitorëve është dobësuar nga shtyrja e bisedimeve për rritjen e tavanit të borxhit në SHBA. Indeksi pan-Europian Stoxx 600 e ka nisur ditën në rënie me 1.2%, ndërsa të gjithë sektorët po qëndrojnë në territor negativ. Sektori minerar kryeson humbjet, në rënie me mbi 2%.
Spikeri i Dhomës së Përfaqësuesve, Kevin McCarthy, deklaroi se pati një bisedë konstruktive me presidentin Joe Biden, por nuk ishte bërë progres i mjaftueshëm për arritjen e një marrëveshjeje.
Referuar zhvillimeve të tjera, inflacioni në Mbretërinë e Bashkuar në 8.7%, gjatë muajit të kaluar, nga 10.1% që ishte më mars. Analistët parashikonin një ngadalësim deri në 8.2%. me bazë mujore, çmimet u rritën me 1.2%, kundrejt parashikimeve për një rritje me 0.8%.
Njëkohësisht, edhe Fondi Monetar Ndërkombëtare ju bashkua Bankës së Anglisë, duke parashikuar se ekonomia ishullore do ta shmangë recesionin gjatë këtij viti. Investitorët po presin edhe fitimet tremujore të korporatave dhe indeksin Ifo në Gjermani, për kushtet e biznesit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.