Çmimi i gazit në Itali u rrit me 65% në 2022 – Unioni kombëtar i konsumatorëve i kërkon ndihmë qeverisë

Çmimi i paguar nga një familje mesatare italiane për furnizimin e saj me gaz, u rrit me 64.8% në vitin 2022 krahasuar me një vit më parë, sipas të dhënave të konfirmuara nga autoriteti kombëtar i energjisë ARERA, duke nënvizuar ndikimin e luftës në Ukrainë në financat e familjeve.

ARERA,  cila përcakton cmimet e rregulluara të gazit për konsumatorët italianë, tha gjithashtu se cmimi për muajin dhjetor u rrit 23.3% nga muaji i kaluar duke reflektuar cmimet e larta në fillim të muajit dhjetor përpara një rënieje më të vogël gjatë muajit. Një familje mesatare do të kishte shpenzuar rrteh 1800 euro për gaz vitin e kaluar sipas tij.

Marco Vignola, ekspert për çështjet e energjisë në Unionin Kombëtar të Konsumatorëve, tha se çmimet “ishin të paqëndrueshme për shumë italianë” dhe i kërkoi qeverisë të bënte më shumë për të ndihmuar.

Buxheti italian për vitin e ardhshëm ka caktuar mbi 21 miliardë euro për të ndihmuar firmat dhe familjet të paguajnë faturat e energjisë elektrike dhe gazit, kryesisht përmes subvencioneve për firmat me energji intensive dhe familjet me të ardhura të ulëta.

ARERA në fund të vitit të kaluar filloi të caktojë çmimet e rregulluara të gazit në baza mujore dhe jo tremujore për shkak të pasigurisë së tregut në lidhje me furnizimet me gaz pas luftës në Ukrainë.

Vendet e Bashkimit Europian ranë dakord në muajin dhjetor për të vendosur një kufi për çmimet e gazit në përpjekje për të kufizuar rritjet e mëtejshme në treg, të cilat arritën nivele rekord në Evropë pasi pushtimi rus i Ukrainës shkaktoi ndërprerjen e furnizimeve.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.