Çmimi i lartë i bukës në Europë shënon rekord – Në muajin gusht, rritje prej 18% në krahasim me një vit më parë
Të dhënat e raportit më të fundit tëEurostat konfirmojnë se cmimi aktual i bukës është më i larti i regjistruar ndonjëherë. Shkaku kryesor mbetet lufta në Ukrainë dhe pasojat që sjell ajo. Cmimi është rritur me 18% në krahasim me një vit më parë
Cmimi i bukës nuk ka qenë asnjëherë kaq i lartë në Bashkimin Europian. Këtë e konfirmon Eurostat duke shtuar se në muajin gusht cmimi është rritur mesatarisht me 18% në krahasim me të njëjtin muaj një vit më parë. Një nga arsyet kryesore e shtrenjtimit, po sipas Eurostat, është lufta në Ukrainë.
Kjo është një rritje shumë e madhe duke marrë në konsideratë se një vit më parë cmimi i bukës ishte mesatarisht 3% më i lartë në krahasim me vitin 2020. Të dhënat mujore tregojnë dhe një rritje domethënëse të inflacionit global nga 3% në 10%.
Në gusht të vitit 2021, norma mesatare më e lartë e ndryshimit të çmimeve të bukës u regjistrua në Hungari + 66%, e ndjekur nga Lituania + 33%, Estonia dhe Sllovakia + 32%. Norma më e ulët u regjistrua në Francë + 8%, Holandë dhe Luksemburg, të dyja + 10%.
Sipas të dhënave të Eurostat, të gjitha cmimet e ushqimeve janë rritur në përgjithësi, me një rritje shumë të fortë të cmimeve të vajrave dhe yndyrnave që përdoren për gatim. Në këtë raport theksohet se pushtimi rus në Ukrainë ka tronditur në mënyrë domethënëse tregjet globale dhe të dy vendeve të përfshira, pasi të dyja janë eksportueset më të mëdha të drithërave, grurit dhe misrit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.