Dënohet për tejkalim shpejtësie projektuesi i Ferrarit – Japonezi drejtonte një model të ideuar nga ai me 128 km/h

Dënohet me katër muaj liri me kusht pasi tejkaloi kufirin e shpejtësisë me një Ferrari që vetë ai kishte kontribuar në projektim. Ngjarja ka ndodhur në Japoni dhe mediat vendase raportojnë se Kiyoyuki Okuyama, projektuesi i njohur u ndalua teksa po drejtonte një model Enzo Ferrari të 2022-shit me një shpejtësi prej 128 kilometrash në orë, në një zonë që kufiri ishte deri në 40 km/h. Zona është malore dhe shumë panoramike në veri të arqipelagut.

Okuyama pranoi se kishte thyer rregullat duke i shpjeguar policisë se u përpoqtë ekspozonte motorin në ajrin e freskët malor që të ftohej. Në seancën gjyqësore, gjykatësi dhe pse pranoi rrezikshmërinë e madhe të shpejtësisë me të cilën lëvizte automjeti, vendosi për liri me kusht meqënëse autori e pranoi shkeljen. Akuza kishte këmbëngulur që ai të bënte katër muaj burg.

Përvec projektimit të Ferrari Enzo, japonezi 63 vjecar është shumë i njohur në vendin e tij pasi ka punuar dhe tek trenat Shinkansen E7, dhe vagonat shtretër super luks të linjës hekurudhore Train Suite Shiki Shima.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.