E vetmja mënyrë për Berlinin është të ulë kostot – Pas vendimit të Gjykatës Kushtetuese, hapësirat për manovrim janë të kufizuara

Pavarësisht sfidave serioze, Gjermania gëzon pozitën më të rehatshme fiskale të ekonomive të përparuara. Borxhi publik duket se do të bjerë në 63% të PBB-së në vitin 2025, shumë më poshtë 100% për pjesën tjetër të Eurozonës dhe gati 130% në SHBA. Megjithatë, Gjykata Kushtetuese e vendit udhëzoi qeverinë që të ndjekë një politikë më të kujdesshme.

Qeveria ka të ngjarë të kërkojë dhe të gjejë një hapësirë ​​për manovrim, megjithëse nën një interpretim të rreptë të ‘frenimit të borxhit’, raporti i borxhit të Gjermanisë mund të bjerë në 61% në 2025 – ën dhe 55% në 2028 – ën. Në vitin 2009, vendi vendosi të rregullojë me kushtetutë frenimin e borxhit, në mënyrë që, duke përjashtuar krizat e rënda jashtë kontrollit të qeverisë, deficitet federale të rregulluara në mënyrë ciklike duhet të kufizohen në 0.35% të PBB-së.

Përpjekja e qeverisë për të përdorur paratë që nuk u shpenzuan ndërsa frenimi i borxhit u pezullua gjatë pandemisë për shpenzime jashtë buxhetit, të kanalizuara për qëllime të tjera në të ardhmen, përfundimisht çoi në një shkelje të kushtetutës. Nëse kufiri i huamarrjes ka ende kuptim kur nevoja për të përmirësuar infrastrukturën, për të përballuar goditjen e çmimeve të larta të energjisë dhe kalimin në një ekonomi me emetime të ulëta është në rritje, është një pyetje më vete.

Vendimi prek drejtpërdrejt Fondin për Klimë dhe Transformim – KTF. Ndërsa gjykata anuloi aprovimin e 60 miliardë euro të borxhit jashtë buxhetit – ekuivalente me 1.5% të PBB-së 2023, KTF do të reduktojë planet e saj të shpenzimeve me atë shumë, me gjasë duke zgjatur shpenzimet në një horizont 4-vjeçar. Një fond tjetër prej 100 miliardë eurosh për më shumë shpenzime për mbrojtjen nuk do të preket sepse ka një dispozitë tjetër në kushtetutë.

Megjithatë, pjesë të Fondit të Stabilizimit Ekonomik prej 200 miliardë eurosh për t’u marrë me goditjen e fundit të çmimit të energjisë mund të marrin një goditje. Falë korrigjimit të madh në çmimet e gazit dhe energjisë elektrike duke filluar nga tetori 2022, shumica e këtyre parave nuk do të nevojiten gjithsesi. Në fund të vitit 2022, 170 miliardë euro të tjera mbetën të pashpenzuara.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.