FMN parashikon tkurrje të ekonomisë gjermane – Shkak kryesor, industria e dobët prodhuese në vend

Fondi Monetar Ndërkombëtar  ka ulur pritshmëritë e rritjes për ekonominë gjermane në vitin 2023, duke pritur një tkurrje prej 0.3 %.

Ndër vendet e G7, Gjermania është e vetmja që FMN-ja ka ulur pritshmëritë e saj të rritjes për këtë vit. Që nga fillimi i vitit 2023, treguesit kryesorë ekonomikë të Gjermanisë kanë ardhur në rënie, duke çuar në shqetësime për një recesion të mundshëm ekonomik.

Në raport thuhet se për shkak të krizës së vazhdueshme Rusi-Ukrainë, krizës energjetike dhe kërkesës së jashtme në rënie, si dhe ndikimit të politikës shtrënguese monetare të Eurozonës, industria prodhuese e Gjermanisë ka qenë e dobët, duke tërhequr kështu ekonominë e përgjithshme.

Në tremujorin e parë të këtij viti, ekonomia gjermane ra në një recesion teknik, me të dhënat kryesore ekonomike në rënie të vazhdueshme që nga korriku. Të dhënat më të fundit tregojnë se sektori gjerman i shërbimeve ka parë një rënie të biznesit të ri për herë të parë në gjashtë muaj, ndërsa porositë e prodhimit kanë rënë me ritme më të shpejta dhe biznesi i eksportit gjithashtu ka rënë.

Ekziston shqetësimi në rritje midis ekspertëve se ekonomia gjermane mund të hyjë në recesion në gjysmën e dytë të vitit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.