FMN “skanon” kreditimin në SHBA – “Nuk ka ngadalësim, por FED duhet të bëjë më shumë”

Fondi Monetar Ndërkombëtar nuk ka parë ende mjaftueshëm banka që tërhiqen nga kreditimi, gjë që do të bënte që Rezerva Federale e SHBA të ndryshojë kursin me ciklin e saj të rritjes së normës.

Drejtoresha e FMN-së, Kristalina Georgieva u shpreh se ende nuk vihet re një ngadalësim i konsiderueshëm i kreditimit. Ajo shtoi se ka disa, por jo në shkallën që do të çonte në tërheqjen e FED.

Rezerva Federale në një raport të bankave në muajin maj, paralajmëroi se huadhënësit janë të shqetësuar për kushtet e ardhshme, pasi problemet në institucionet financiare të mesme në SHBA detyruan bankat të shtrëngonin standardet e kreditimit për familjet dhe bizneset.

Zyrtarët e kredisë së FED shtuan se ata presin që çështjet të vazhdojnë gjatë vitit të ardhshëm për shkak të uljes së parashikimeve të rritjes dhe shqetësimeve mbi daljet e depozitave dhe uljes së tolerancës ndaj rrezikut.

Georgieva tha se nuk mund ta konsideronte një mjedis të pasigurtë atë aktualin. Por gjithësesi paralajmëroi për vëmendje ndaj tendencave dhe shkathtësi nëse ato ndryshojnë.

Shumica e bankave qendrore kryesore globale, përfshirë Rezervën Federale të SHBA-së, kanë shtrënguar politikat e tyre monetare në mënyrë agresive për të zbutur inflacionin në rritje. Ndërkohë, borxhi global i botës është rritur në një nivel gati rekord prej 305 trilionë dollarësh, sipas Institutit të Financave Ndërkombëtare. IIF tha në raportin e saj të majit se nivelet e larta të borxhit dhe normat e interesit kanë çuar në shqetësime të mëtejshme në lidhje me levën në sistemin financiar.

Ndërsa FMN-ja ende nuk ka parë një ngadalësim të konsiderueshëm të kreditimit që do ta shtynte Fed-in të kthente kursin e saj, Georgieva tha se kombinuar me një raport të qëndrueshëm të vendeve të punës në SHBA të premten, ai mund të rritet më tej.

Ajo parashikoi që shkalla e papunësisë në SHBA të shkojë përtej 4%, deri në 4.5%, nga më shumë rritje të normës nga Fed pasi norma u rrit në 3.7% në maj, duke shënuar nivelin më të lartë që nga tetori 2022.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.