Gati votimi në Kuvend i Ligjit të Pronave, Shoqata kundër – Vorpsi: Manipulimi i radhës së Qeverisë, nuk respekton kushtet e Strasburgut
Pak para votimit të ndryshimeve në Ligjin e Pronave, Kreu i Shoqatës Pronësi me Drejtësi Myrshit Vorpsi thotë se bëhet fjalë për manipulimin e radhës nga ana e Qeverisë për të ulur vlerat e kompensimit. Ai thotë se ndryshimet jo vetëm nuk respektojnë kushtin e vendosur nga Strasburgu, i cili parashikon kompensim jo më pak se 10% të vlerës reale të pronës, por krijojnë edhe hapësirën që pronarët të mos marrin asnjë dëmshpërblim financiar.
Ligji për Trajtimin e Pronave është pezulluar që prej vitit të shkuar nga Gjykata Kushtetuese për shkak të rrëzimit të dy neneve të tij, në një kohë që projektligji me ndryshimet është depozituar tashmë në Kuvend dhe pritet të votohen ditët në vijim.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.