“Gjermanët, një popull inatçor”! – Sipas sondazheve, pjesa më e madhe fajësojnë ekonomimë dhe motin
Gjermanët e konsiderojnë veten inatçinj, xhelozë dhe autoritarë, sipas sondazheve më të fundit. Ata përmendin situatën politike dhe problemet si inflacioni, ndryshimet klimatike dhe luftën në Ukrainë si shkakun kryesor të humorit të tyre të keq, por fajësojnë edhe motin për pakënaqësitë e tyre. Madje ata besojnë se danezët, italianët dhe holandezët kanë humorin më të mirë në Europë.
Sipas një sondazhi të kryer nga Instituti Norstat, 58% e të anketuarve e karakterizojnë gjendjen shpirtërore të tyre dhe të tjerëve si “jo aq të mirë” deri në “shumë të keqe”, ndërsa 46% vlerësojnë se një nga arsyet kryesore për t’u ankuar e tij është “sistemi mbizotërues i vlerave” i cili përfshin “faktorë të vështirë suksesi si siguria”, të cilët, “janë më të rëndësishëm se faktorët më të butë si sjellja e mirë apo sharmi”.
Sipas të dhënave, 38% njohin elemente të dogmatizmit dhe zilisë në karakterin e tyre, të cilat, thonë ata, janë më të forta te gjermanët sesa te europianët e tjerë. Sipas 54% të të anketuarve, danezët janë në humorin më të mirë mes europianëve, të ndjekur nga italianët 45% dhe holandezët 34%.
Gjendja shpirtërore e gjermanëve ndikohet negativisht kryesisht nga problemet si inflacioni – 64%, lufta në Ukrainë – 58%, situata politike – 45%, debatet gjinore – 45%, ndryshimet klimatike – 42%, fatkeqësitë personale – 39%) dhe kushtet e motit – 32%. 36% besojnë se prosperiteti në Gjermani është në rënie, por në të njëjtën kohë 35% besojnë se gjermanët ankohen shumë, megjithëse niveli i tyre i prosperitetit është shumë i lartë.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.